සිය සිරුරේ සඟවාගෙන නීතිවිරෝධී ලෙස රත්‍රං රැගෙන ආ බව කියන කාන්තාවන් අට දෙනෙකු ඇතුළු ශ්‍රී ලාංකිකයන් 10 දෙනෙකු ඉන්දීය රේගු දෙපාර්තමේන්තුව විසින් බැංගලෝර්හි කෙම්පෙගවුඩා ජාත්‍යන්තර ගුවන් තොටුපලේදී අත්අඩංගුවට ගෙන තිබෙනවා.
ලැබුණු තොරතුරක් මත රේගු නිලධාරීන් සෙනසුරාදා සවස මෙම අත්අඩංගුවට ගැනීම් සිදු කර ඇති බව IANS වාර්තා කළේය.
විත්තිකරුවන් තවත් මගීන් 140 දෙනෙකු සමඟ ශ්‍රී ලංකන් ගුවන් සේවයට අයත් UL 171 දරන ගුවන් යානයෙන් කොළඹ ගුවන් තොටුපළේ සිට ගමන් කර ඇත. ඔවුන් එම දියර රත්‍රන් ගුද මාර්ගයේ සඟවාගෙන ඇති අතර ඒවා බෙංගාලෝරයේ හසුරුවන්නන් වෙත ලබාදීමට නියමිතව තිබුණි.
මෙම පිරිස ආගමන විගමන ප්‍රදේශයට යමින් සිටියදී බැංගලෝර් රේගු දෙපාර්තමේන්තුවේ ගුවන් බුද්ධි අංශය (AIU) විසින් මැදිහත් වී ඇත. විත්තිකරුවන් 10 දෙනා විසින් රුපියල් කෝටියකට අධික වටිනාකමකින් යුත් රත්‍රං තොගය තලප ආකාරයෙන් සඟවා තිබූ බව මනා පරීක්‍ෂණයකින් පසු නිලධාරීන්ට පෙනී ගියේය.
බංගලාරු හසුරුවන්නන් හඳුනා ගැනීම සඳහා නිලධාරීන් වැඩිදුර පරීක්ෂණ පවත්වයි. විත්තිකරුගෙන් වැඩිදුර ප්‍රශ්න කිරීමෙන් මූලාශ්‍රය සොයා ගැනීමටත් සම්පූර්ණ රත්‍රං ජාවාරම් කල්ලිය කොටුකර ගැනීමටත් නියමිතය.
