නීතිවිරෝධී ලෙස ශ්‍රී ලංකාවට ආනයනය කරන ලද රාජසන්තක කරන ලද ජෙනරල් මෝටර්ස් ‘හමර්’ 4×4 වර්ගයේ මෝටර් රථයක් මතභේදාත්මක ලෙස වෙන්දේසි කිරීම සම්බන්ධයෙන් විමර්ශනය කරන ලෙස මුදල් අමාත්‍යාංශය අපරාධ පරීක්ෂණ දෙපාර්තමේන්තුවෙන් (CID) ඉල්ලා තිබේ.
රාජසන්තක කරන ලද වාහනය වෙන්දේසි කර ඇත්තේ එම වාහනය නීතිවිරෝධී ලෙස ආනයනය කළ පුද්ගලයාට බව වැටහෙනවා.
මුදල් රාජ්‍ය අමාත්‍ය රංජිත් සියඹලාපිටිය මහතාගේ උපදෙස් පරිදි මුදල් අමාත්‍යාංශයේ ලේකම් මහින්ද සිරිවර්ධන මහතා විසින් මේ සම්බන්ධයෙන් ලිඛිත ඉල්ලීමක් අද (21) පොලිස්පතිවරයා වෙත භාරදෙනු ලැබීය.
නිවේදනයක් නිකුත් කරමින් මුදල් අමාත්‍යාංශය සඳහන් කළේ, ඒ අනුව පොලිස්පතිවරයාගේ නියෝගයකට අනුව අපරාධ පරීක්ෂණ දෙපාර්තමේන්තුව මේ සම්බන්ධයෙන් පරීක්ෂණයක් ආරම්භ කිරීමට නියමිත බවයි.
සිද්ධිය සම්බන්ධයෙන් වාර්තාවක් ලබාදෙන ලෙස රාජ්‍ය අමාත්‍ය රංජිත් සියඹලාපිටිය ශ්‍රී ලංකා රේගුවට නියෝග කර තිබූ අතර එම වාර්තාවේ නිර්දේශ මත විමර්ශන අපරාධ පරීක්ෂණ දෙපාර්තමේන්තුවට භාරදීමට පියවර ගෙන තිබෙනවා.
2022 පෙබරවාරි මාසයේදී ‘Hummer’ ශ්‍රී ලංකාවට නීතිවිරෝධී ලෙස ආනයනය කර ඇති අතර, පසුව එම රථය රජයේ දේපළක් ලෙස ප්‍රකාශයට පත් කර ඇත.
කෙසේ වෙතත්, රාජ්‍ය වෙන්දේසියේදී ‘හමර්’ රථය නීතිවිරෝධී ලෙස ආනයනය කළ පුද්ගලයාට විකුණා ඇත.
