පසුගිය මාස 08 තුළ දෙහිවල ජාතික සත්වෝද්‍යානයෙන් අතුරුදන්ව සිටි නිල් ගිරවෙක් හමුවී තිබේ.
දෙහිවල සත්වෝද්‍යානය පැවසුවේ කළුබෝවිල ප්‍රදේශයේ අඹුසැමි යුවළක් විසින් ඊයේ සවස මෙම ගිරවා සොයාගෙන සත්වෝද්‍යානයට භාර දුන් බවයි.
මෙම ගිරවා අසල නිවසකට පියාසර කර ඇති අතර කුරුල්ලා සොයා කිසිවකු නොපැමිණි නිසා නිවසේ හිමිකරුවන් විසින් එය රැක බලා ගෙන ඇති බව වාර්තා වේ.
කෙසේ වෙතත් අතුරුදන් වූ ගිරවා පිළිබඳ පුවත් මාධ්‍ය ඔස්සේ වාර්තා වීමත් සමඟ එම ගිරවා අතුරුදන් වූ ගිරවා විය හැකි බවට නිවෙස් හිමියෝ සැක පළ කර දෙහිවල සත්වෝද්‍යානයට රැගෙනවිත් ඇත.
පසුව සත්වෝද්‍යානයේ නිලධාරීන් එය අතුරුදන් වූ නිල් ගිරවා ලෙස හඳුනාගෙන ඇත.
මේ අතර, 2021 සැප්තැම්බර් මාසයේ සිට සත්වෝද්‍යානයෙන් අතුරුදන් වූ බවට වාර්තා වූ මැකෝ විශේෂයක් ද සොයාගෙන තිබේ.
සත්වෝද්‍යාන සේවකයෙකු විසින් කූඩුව විවෘත කරන විට නිල් මැකෝ කුරුල්ලා කූඩුවෙන් පැන ගොස් ඇත.
මැකෝ විශේෂයද බදාදා (26) රත්මලාන ප්‍රදේශයෙන් සොයාගෙන ඇත.
