මගීන්ට පහසුවෙන් දෙපාර්තමේන්තුව හා සම්බන්ධ වීම සඳහා හදිසි ඇමතුම් අංකයක් හඳුන්වා දීමට ශ්‍රී ලංකා දුම්රිය දෙපාර්තමේන්තුව පියවර ගෙන ඇත.
දුම්රිය සේවා, දුම්රිය කාලසටහන් හෝ ඒ ආශ්‍රිත වෙනත් තොරතුරු පිළිබඳ ඕනෑම ප්‍රශ්නයක් සඳහා දෙපාර්තමේන්තුව හා සම්බන්ධ වීමට අවශ්‍ය මගීන්ට ඕනෑම වේලාවක 1971 ඇමතීමෙන් එය කළ හැකි බව ඔවුහු පැවසූහ.
පුද්ගලයන්ට භාෂා තුනෙන්ම (සිංහල, දෙමළ සහ ඉංග්‍රීසි) ක්ෂණික ඇමතුම් අංකය හරහා දෙපාර්තමේන්තුව හා සම්බන්ධ විය හැක. දුම්රිය ධාවන කාලසටහන්, ආසන වෙන්කරවා ගැනීම්, දුම්රිය ගාස්තු, දුම්රිය ආරක්ෂක සේවා සම්බන්ධ කර ගැනීම සහ දුම්රිය හරස් මාර්ග සම්බන්ධ ගැටළු වැනි තොරතුරු ජනතාවට ලබා ගත හැක.
පැය 24 පුරා ක්‍රියාත්මක නව හදිසි ඇමතුම් අංකය හෙට (14) පෙරවරු 7.00 න් පසු ක්‍රියාත්මක වේ.
