ඛනිජ තෙල් නිෂ්පාදන ආනයනය කිරීම සඳහා ජුනි මාසය සඳහා වන විදේශ විනිමය අවශ්‍යතා පිළිබඳව බලශක්ති අමාත්‍ය කාංචන විජේසේකර සහ ශ්‍රී ලංකා මහ බැංකුවේ (CBSL) අධිපති ආචාර්ය නන්දලාල් වීරසිංහ අතර සාකච්ඡාවක් පවත්වා තිබේ.
අමාත්‍ය විජේසේකර කියා සිටියේ මහ බැංකු අධිපතිවරයා සමඟ මෙම සාකච්ඡාව අද පෙරවරුවේ සිදුවූ බවයි.
සාකච්ඡාවේ තොරතුරු හෙළි කරමින් ඔහු පැවසුවේ, ලංකා ඛනිජ තෙල් නීතිගත සංස්ථාවේ (CPC) ජුනි මාසය සඳහා වන විදේශ විනිමය අවශ්‍යතා පිළිබඳව එය අවධානය යොමු කළ බවයි.
ජූනි මස ආනයනය සඳහා අවශ්‍ය මුළු මුදල ඇමෙරිකානු ඩොලර් මිලියන 554ක් වනු ඇති බවද ඔහු වැඩිදුරටත් පැවසීය.
දැනට පවතින ඉන්දීය ණය මාර්ගය හරහා ඇමෙරිකානු ඩොලර් මිලියන 100ක මුදලක් ලබාදීමට කටයුතු කරන බවද අමාත්‍යවරයා පැවසීය.
ඇමෙරිකානු ඩොලර් මිලියන 500ක නව ඉන්දීය ණය පහසුකම පිළිබඳව ද මේ වනවිට සාකච්ඡා කරමින් පවතින බව බලශක්ති අමාත්‍යවරයා වැඩිදුරටත් පැවසීය.
පවතින ආර්ථික අර්බුදය හේතුවෙන් ශ්‍රී ලංකාව දැඩි ඉන්ධන හිඟයකට මුහුණ දී සිටින බැවින් ඛනිජ තෙල් නිෂ්පාදන ලබා ගැනීම සඳහා රටවල් කිහිපයක් සමඟ ශ්‍රී ලංකාව සාකච්ඡා පවත්වයි.
