පවතින අර්බුදකාරී තත්ත්වය මුල් කර ගනිමින් ගාලුමුවදොර පිටියේ පැවති මහජන විරෝධතාවයට එක්වූ පොලිස් සැරයන්වරයාගේ වැඩ තහනම් කර ඇති බව පොලීසිය පවසයි.
කුට්ටිගල පොලිස් ස්ථානයට අනුයුක්තව සේවය කරන පොලිස් සැරයන්වරයා මේ වන විට ගාලුමුවදොර උද්ඝෝෂණ භූමියේ පැවැත්වෙන මහජන විරෝධතාවයට පසුගිය අප්‍රේල් 14 වැනි දින විශේෂ රාජකාරි සඳහා අනුයුක්තව සිටියදී එක්විය.
පසුව ඔහුව පොලිසිය විසින් අත්අඩංගුවට ගෙන කොටුව මහේස්ත්‍රාත් අධිකරණයෙන් ඇප නියම කළේය.
පොලිසිය පැවසුවේ, අප්‍රේල් 14 වැනිදා සිට ක්‍රියාත්මක වන පරිදි සැරයන්වරයාගේ සේවය අත්හිටුවා ඇති බව ය.
විමර්ශනයකින් අනතුරුව ඔහුට එරෙහිව විනය ක්‍රියාමාර්ග ගන්නා බව පොලිසිය මීට පෙර ප්‍රකාශ කළේය.
