ගාල්ලේ රාජ්ය විරෝධී විරෝධතාකරුවන්ගේ පුවරු ඉවත් කිරීමට යුද හමුදා නිලධාරීන් ගත් පියවරට එරෙහිව ශ්රී ලංකා ශ්රේෂ්ඨාධිකරණයට මූලික අයිතිවාසිකම් පෙත්සමක් ගොනු කර තිබේ.
යුද හමුදාපතිවරයා, ගාල්ල අණදෙන නිලධාරීවරයා සහ ආරක්ෂක ලේකම්වරයා වගඋත්තරකරුවන් කරමින් නීතිඥවරුන් දෙදෙනෙකු විසින් අද මෙම පෙත්සම ගොනු කර තිබේ.
ගාලු කොටුවේ විරෝධතාකරුවන් විසින් අල්ලාගෙන සිටි “ගෝඨා ගෙදර යන්න” සහ රජයට එරෙහි සටන් පාඨ ඇතුළත් පුවරු හමුදා නිලධාරීන් විසින් ඉවත් කර රාජසන්තක කර ඇති බව වාර්තා වේ.
විරෝධතාකරුවන් සාමකාමී උද්ඝෝෂණයක් පවත්වා ඇති අතර ශ්රී ලංකාව සහ ඕස්ට්රේලියාව අතර ක්රිකට් ටෙස්ට් තරගාවලියක් ක්රීඩා කරන ගාලු ක්රිකට් ක්රීඩාංගණය දෙසට බලමින් කොටුවේ සිට රජයට එරෙහි සටන් පාඨ කියමින් විරෝධතාවයේ නිරත වන අයුරු දැකගත හැකි විය.
මේ අතර, මේ සඳහා හමුදාව යෙදවීමට අවශ්ය වූයේ දැයි ශ්රී ලංකාවේ කැනඩා මහ කොමසාරිස් ඩේවිඩ් මැකිනන් ද ප්රශ්න කර තිබේ.
“බලන්න, මම දන්නවා #ශ්රී ලංකාවේ ක්රිකට් යනු ඉතා විශාල දෙයක් බව, නමුත් එය හමුදාව යෙදවිය යුතු ජාතික ආරක්ෂාව පිළිබඳ ප්රශ්නයක්ද? පෙනෙන විදිහට මෙම සාමකාමී විරෝධතාකරුවන් උල්ලංඝනය කරන්නේ කුමන නීතියද? ”ඔහු ට්විටර් පණිවිඩයක් හරහා ප්රශ්න කළේය.