වෙළඳපොලේ කුකුළු මස් මිල ඉහළ යාම හේතුවෙන් ජාතික වනෝද්‍යානවල වන සතුන් දඩයම් කිරීම ඉහළ ගොස් ඇති බව ශ්‍රී ලංකා වනජීවී සංරක්ෂණ නිලධාරීන්ගේ සංගමය පවසයි.
පොළොන්නරුව මින්නේරිය, සෝමාවතිය, වස්ගමුව, මාදුරුඔය, ජලගැලුම් නිම්නා ජාතික වනෝද්‍යානය මෙන්ම අනෙකුත් රක්ෂිත වනාන්තරවල වන සතුන් දඩයම් කිරීම ඉහළ ගොස් ඇති බව එම සංගමයේ උසස් නිලධාරියෙක් ඩේලි මිරර් වෙත පැවසීය.
වෙළඳපොලේ කුකුළු මස් මිල ශීඝ්‍රයෙන් ඉහළ යාම නිසා වන සතුන් මැරීමේ ඉල්ලුම ඉහළ ගොස් තිබේ.
එබැවින් වනජීවී සංරක්ෂණ දෙපාර්තමේන්තුව අත්‍යාවශ්‍ය සේවාවක් බවට පත් කර ශ්‍රී ලංකාවේ වනාන්තර සහ වනජීවී සම්පත සුරැකීමේ වැඩපිළිවෙළක් සංවිධානය කරන ලෙස එම සංගමය රජයෙන් ඉල්ලා සිටියේය.
පවතින ඉන්ධන අර්බුදය හේතුවෙන් සෙනසුරාදා සහ ඉරිදා දිනවල සිය රාජකාරී සීමා කිරීමට සිදුව ඇති බව ද එම සංගමය සඳහන් කළා.
