රජය සියලු දේශපාලන ක්‍රීඩා නවතා ජාතියේ උන්නතිය වෙනුවෙන් අවංකව කටයුතු කරන්නේ නම් රජයට සහය දෙන බව සමගි ජන බලවේගය ප්‍රතිඥා දුන් බව විපක්ෂ නායක සජිත් ප්‍රේමදාස මහතා පවසයි.
“රට අර්බුදකාරී තත්ත්වයක. අපි දිගු නියඟයකට මුහුණ දෙනවා, ආසන්න වශයෙන් පාසල් ගුරුවරු 5000ක් දිවයිනෙන් පිටවෙලා, වෛද්‍යවරු සැලකිය යුතු ප්‍රමාණයක් සංක්‍රමණය වෙලා. මේ රටට පුළුල් ජාතික සැලැස්මක් අවශ්‍යයි. අපට නව වාරි ව්‍යාපෘති අවශ්‍යයි. මුහුදට ගලා යන ජලය ප්‍රයෝජනයට ගනිමින් රජය සද්භාවයෙන් කටයුතු කරන්නේ නම් එහි විශේෂඥ දැනුම සහ සහයෝගය රජයට ලබාදීමට සමගි ජන බලවේගය සූදානම් බව ප්‍රේමදාස මහතා විශේෂ ප්‍රකාශයක් කරමින් කියා සිටියේය.
“අපේ ජාතිය මුහුණ දෙන අභියෝගවලට මුහුණ දෙන ජාතික සැලැස්මක් ක්‍රියාවට නැංවීමට රජයට සහය වීමට අපි සූදානම්, නමුත් දේශපාලන ක්‍රීඩාවලින් වළකින ලෙස අපි රජයෙන් ඉල්ලා සිටිමු. තවදුරටත් දේශපාලන ක්‍රීඩාව හා අමාත්‍ය ධුර ප්‍රමුඛත්වය දෙමින් රජය කටයුතු කරන්නේ නම් අපි එයට සහාය නොදක්වමු. ” ඔහු වැඩිදුරටත් පැවසීය.
මේ අතර සමගි ජන බලවේගයේ ජාතික සංවිධායක තිස්ස අත්තනායක ජනහමුවක් අමතමින් කියා සිටියේ සමගි ජන බලවේගය රජයට ලබාදෙන සහය තාවකාලික බවයි.
නුදුරු අනාගතයේ දී රනිල් වික්‍රමසිංහ ජනාධිපතිතුමාට සහ රජයට සහය දැක්වීමට අපට සිදු විය හැකි නමුත් එය කෙටි කාලයකට පමණක් බව ඔහු පැවසීය.
