එක්සත් ජාතික පක්ෂ මහලේකම් පාලිත රංගේ බණ්ඩාර, විපක්ෂ නායක සජිත් ප්‍රේමදාස මහතාට ජීවිත තර්ජන සම්බන්ධයෙන් කළ ප්‍රකාශයකට ප්‍රතිචාර දක්වමින් මාධ්‍ය හමුවක් අමතමින් කියා සිටියේ ප්‍රේමදාස මහතා ඝාතනය කිරීමට කිසිවකු උනන්දු නොවන බවයි.
“ප්‍රේමදාස මහත්තයව මරන්න කවුරුත් උනන්දු නැහැ. අපි හරක් මස් කන්නේ නැහැ,” ඔහු පැවසීය.
“කෙසේ වෙතත් ප්‍රේමදාස මහතා ජනාධිපතිවරණයට ඉදිරිපත් නොවීමට තීරණය කර ඇති බව නිතර මාධ්‍ය සාකච්ඡා පවත්වන මුස්ලිම් ජාතික සමගි ජන බලවේගයේ සාමාජිකයෙක් මට දැනුම් දුන්නා. ප්‍රේමදාස මහතා ජනාධිපතිවරණයට ඉදිරිපත් වෙනවා කිව්වම ප්‍රසිද්ධියේ බොරු කියනවා කියලා මේ මන්ත්‍රීවරයා මට කිව්වා” රංගගේ බණ්ඩාර මහතා පැවසීය.
“ඒ වගේම ප්‍රේමදාස මහතා පසුගිය කාලයේ හැසිරුණු ආකාරය අපි අත්දැක තිබෙනවා. කරු ජයසූරිය මහතා එක්සත් ජාතික පක්ෂ නායකත්වයට වරක් ඉදිරිපත් කරවා, හිටපු ජනාධිපති ගෝඨාභය රාජපක්ෂ මහතා 2022 දී ඔහුගේ තනතුරෙන් ඉල්ලා අස්වි නව ජනාධිපතිවරයකු තෝරා පත් කර ගැනීමට ඡන්දය විමසන අවස්ථාවේදී ඔහු ඩලස් අලහප්පෙරුම මහතාව ජනාධිපතිවරණයට ඉදිරිපත් කළා. ” ඔහු පැවසීය.
