මීළඟ ජනාධිපතිවරයා තෝරා ගැනීම සඳහා පාර්ලිමේන්තු ඡන්ද විමසීමේදී වැඩබලන ජනාධිපති රනිල් වික්රමසිංහ මහතාට සහය පළ කරන බව ශ්රී ලංකා පොදුජන පෙරමුණ පවසයි.
ශ්රී ලංකා පොදුජන පෙරමුණේ තීරණය පක්ෂ මහලේකම් සාගර කාරියවසම් විසින් ප්රකාශයට පත් කර ඇත.
ශ්රී ලංකාවේ වැඩබලන ජනාධිපතිවරයා ලෙස අග්රාමාත්ය රනිල් වික්රමසිංහ මහතා අද දිවුරුම් දුන්නේ ලබන සතියේ පාර්ලිමේන්තුවේදී නව ජනාධිපතිවරයෙකු පත් කරන තෙක්ය.
නව ජනාධිපතිවරයෙකු තෝරා පත් කර ගැනීමේ කටයුතු ආරම්භ කිරීම සඳහා පාර්ලිමේන්තුව හෙට (16) රැස්වේ.
ජනාධිපති ධූරය සඳහා නාමයෝජනා භාරගැනීම දින කිහිපයකට පසුව සිදුකිරීමට නියමිත අතර ඉන් අනතුරුව ජූලි මස 20 වැනිදා වන විට නව ජනාධිපතිවරයෙකු තෝරා පත් කර ගැනීමට අපේක්ෂා කෙරේ.
ශ්රී ලංකා පොදුජන පෙරමුණේ ඩලස් අලහප්පෙරුම ද අද ප්රකාශ කළේ පාර්ලිමේන්තුව ලබන සතියේ නාමයෝජනා කැඳවන විට තමන් ජනාධිපතිවරණයට ඉදිරිපත් වන බවයි.