ක්‍රිකට් අර්බුදය සම්බන්ධයෙන් සොයා බැලීම සඳහා තේරීම් කාරක සභාවක් පත් කරන ලෙස ඉල්ලා කථානායක මහින්ද යාපා අබේවර්ධන මහතා වෙත යෝජනාවක් භාරදීමට විපක්ෂයේ මන්ත්‍රීවරුන් කිහිප දෙනෙකු උත්සාහයක් අරඹා ඇතැයි වාර්තා වේ.
මේ සම්බන්ධයෙන් අදහස් දක්වමින් පාර්ලිමේන්තු මන්ත්‍රී දයාසිරි ජයසේකර කියා සිටියේ මන්ත්‍රීවරුන් දස දෙනෙකු පමණ දැනටමත් යෝජනාවට අත්සන් කර ඇති බවයි. විමල් වීරවංශගේ නායකත්වයෙන් යුත් උත්තර ලංකා සහබගයේ මන්ත්‍රීවරුන් සහ පාර්ලිමේන්තු මන්ත්‍රී ඩලස් අලහප්පුරම මහතාගේ නායකත්වයෙන් යුත් කණ්ඩායම මෙම යෝජනාවට සහය පළ කරන බව ඔහු පවසයි.
තේරීම් කාරක සභාවක් මගින් ප්‍රශ්නය අතුගා දැමීමේ උත්සාහයක් විය හැකි බවට විපක්ෂ නායක සජිත් ප්‍රේමදාස කළ ප්‍රකාශය ජයසේකර මන්ත්‍රීවරයා ප්‍රතික්ෂේප කළේය.
එය විපක්ෂ නායකවරයාගේ මෝඩ අදහසක් යැයි ජයසේකර මහතා පැවසීය.
තේරීම් කාරක සභාවක් රජය විසින් ද පිළිගන්නා බව සභානායක ප්‍රසන්න රණතුංග සෙනසුරාදා පාර්ලිමේන්තුවේදී ප්‍රකාශ කළ අතර ඊට ප්‍රතිචාර දක්වමින් ප්‍රේමදාස පැවසුවේ එවැනි පියවරක් මගින් ප්‍රශ්නය කාපට් යට අතුගා දමනු ඇති බවයි.
