වාරියපොළ පොළ භූමිය නවීන පහසුකම් සහිත ආදායම් උත්පාදන මධ්යස්ථානයක් බවට පත් කිරීමේ බහුකාර්ය සංවර්ධන ව්යාපෘතියේ මුල්ගල ඊයේ (15) තබා තිබේ.
කුරුණෑගල දිස්ත්රික් සම්බන්ධීකරණ කමිටු සභාපති සහ කෘෂිකර්ම හා පශු සම්පත් නියෝජ්ය අමාත්ය නාමල් කරුණාරත්න මහතාගේ ප්රධානත්වයෙන් මෙම උත්සවය පැවැත්විණි.
රාජ්ය පරිපාලන, පළාත් සභා සහ පළාත් පාලන අමාත්යාංශයේ කාර්යසාධනය මත පදනම් වූ ප්රාග්ධන ප්රදාන වැඩසටහන යටතේ සහ වාරියපොළ ප්රාදේශීය සභාවේ ප්රතිපාදන සමඟ ක්රියාත්මක වන මෙම ව්යාපෘතිය සඳහා ඇස්තමේන්තුගත මුළු වියදම රුපියල් මිලියන 39.27කි.
ව්යාපෘතිය යටතේ නවීන වෙළෙඳ සංකීර්ණයක් ඉදිකිරීමට සැලසුම් කර ඇති අතර, ව්යවසායකයන් සහ ස්ථිර වෙළෙඳුන් සඳහා නව වෙළෙඳ කුටිද ස්ථාපිත කිරීමට නියමිතය.
මීට අමතරව නිසි අපද්රව්ය කළමනාකරණ පද්ධතියක්, පිරිසිදු පානීය ජල පහසුකම් සහ වැඩිදියුණු කළ සනීපාරක්ෂක පහසුකම්ද ව්යාපෘතියට ඇතුළත් වේ.
ව්යාපාර කටයුතු සඳහා වඩාත් ආරක්ෂිත හා විධිමත් පරිසරයක් නිර්මාණය කිරීම මෙන්ම මහජනතාවට වැඩි පහසුවක් සැලසීම මෙම ව්යාපෘතියේ අරමුණයි.
මාස හතක් ඇතුළත ව්යාපෘතිය අවසන් කිරීමට සැලසුම් කර ඇති අතර, එමගින් වයඹ පළාතේ ප්රධාන ආර්ථික මධ්යස්ථානයක් ලෙස වාරියපොළ නගරයේ භූමිකාව තවදුරටත් ශක්තිමත් වනු ඇතැයි අපේක්ෂා කෙරේ.
