සැප්තැම්බර් 1 සිට 3 දක්වා දිවයිනේ නිරිත දිග කොටසේ පවතින වැසි තත්ත්වය තවත් නරක අතට හැරීමේ හැකියාවක් පවතින බව කාලගුණ විද්‍යා දෙපාර්තමේන්තුව පවසයි.
බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇති වේ. බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මිලිමීටර් 75ක පමණ තරමක තද වැසි ඇති විය හැක.
නැගෙනහිර සහ ඌව පළාත්වලත් පොළොන්නරුව, වව්නියාව සහ මුලතිව් දිස්ත්‍රික්කවලත් සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇති වේ.
ගිගුරුම් සහිත වැසි ඇති වන විට තාවකාලික, එම ප්‍රදේශවල තද සුළං සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් ඉල්ලා සිටියි.
මධ්‍යම කඳුකරයේ බටහිර බෑවුම් ප්‍රදේශවල, බස්නාහිර සහ සබරගමුව පළාත්වල විටින් විට තරමක් තද සුළං (පැ.කි.මී. 40-45 පමණ) බලාපොරොත්තු විය හැක.
