අධිකරණයට අපහාස කිරීමේ වරද සම්බන්ධයෙන් හිටපු ක්‍රීඩා අමාත්‍ය රොෂාන් රණසිංහට එරෙහිව ක්‍රියාමාර්ග ගන්නා ලෙස නියෝගයක් නිකුත් කරන ලෙස ඉල්ලා අධිකරණයට අපහාස කිරීමේ පෙත්සමක් අභියාචනාධිකරණයට ඉදිරිපත් කර තිබෙනවා.
2023 නොවැම්බර් 8 වැනි දින පාර්ලිමේන්තු සැසිවාරයකදී හිටපු ක්‍රීඩා අමාත්‍යවරයාට අපහාස කළ බවට චෝදනා කරමින් වෘත්තියෙන් නීතීඥයකු වන දිමිත්‍රි ශිරාස් ඔගස්ටස් පියට්‍රංගේලි නීතිඥ සුභාෂිනී ජේ පතිරණගේ හරහා මෙම අයදුම්පත ගොනු කළේය.
ආණ්ඩුක්‍රම ව්‍යවස්ථාවේ 105(3) වගන්තිය යටතේ අධිකරණයට අපහාස කිරීම සම්බන්ධයෙන් හිටපු අමාත්‍යවරයාට දඩුවම් නියම කරන ලෙසයි පෙත්සම්කරු වැඩිදුරටත් ඉල්ලා සිටින්නේ.
වගඋත්තරකාර හිටපු අමාත්‍යවරයා නොවැම්බර් 8 වැනි දින පාර්ලිමේන්තු සැසිවාරයකදී විනිසුරු නිශ්ශංක බන්දුල කරුණාරත්න විසින් අතුරු නියෝග නිකුත් කිරීමට හේතු වූ බව කියන චේතනාවන් සම්බන්ධයෙන් චෝදනා කිහිපයක් ඉදිරිපත් කළ බව පෙත්සම්කරු සඳහන් කළේය.
