කොළඹ දිස්ත්‍රික්කයෙන් මෙනින්ගොකොකල් රෝගයට ගොදුරු වූ නව රෝගියෙකු සොයා ගැනීමත් සමඟ එහි රෝග ලක්ෂණ පිළිබඳව අවධානයෙන් සිටින ලෙස සෞඛ්‍ය බලධාරීන් ජනතාවගෙන් ඉල්ලා සිටියි.
සෞඛ්‍ය නිලධාරීන්ට අනුව, Meningococcal රෝගයේ පොදු රෝග ලක්ෂණ වන්නේ උණ, සෙම්ප්‍රතිශ්‍යාව, තෙහෙට්ටුව, වමනය, අත් සහ පාද සීතල වීමයි.
මෙම රෝගය මුලින්ම හඳුනාගනු ලැබුවේ ගාල්ල බන්ධනාගාරයෙන්.
වයස අවුරුදු 49ක් වන මෙම පුද්ගලයා රත්මලාන ප්‍රදේශයේ කාර්යාලයක සේවය කරන අතර ජාඇල නිවන්ගම ප්‍රදේශයේ පදිංචි අයෙකි.
වාර්තා වන අන්දමට රෝගියා උණ වැළඳී කොතලාවල ආරක්ෂක විශ්වවිද්‍යාල රෝහලට ඇතුළත් කර ඇති අතර පසුව මෙනින්ගොකොකල් රෝගයට සමාන රෝග ලක්ෂණ මතුවීමෙන් පසුව ජාතික රෝහලට මාරුකර යවා ඇත. කෙසේ වෙතත්, කොතලාවල ආරක්ෂක විශ්වවිද්‍යාල රෝහලේ අධ්‍යක්ෂ වෛද්‍ය ජයන් මෙන්ඩිස් පැවසුවේ මෙනින්ගොකොකල් රෝග ලක්ෂණ සහිත කිසිදු රෝගියෙකු තම රෝහලට ඇතුළත් කර නොමැති බවයි.
තවද, ඉහළ සෞඛ්‍ය නිලධාරියෙකු පැවසුවේ රෝගියා KDU රෝහල විසින් ප්‍රතික්ෂේප කර ඇති බවයි.
මීට අමතරව, ජාතික රෝහල් ආරංචි මාර්ග පැවසුවේ මෙනින්ගොකොකල් රෝගය වැළඳුණු රෝගියෙකු රෝහලට ඇතුළත් කර ප්‍රතිකාර ලබන බවයි.
“ඔහුගේ තත්ත්වය දැන් යහපත් අතට හැරෙමින් පවතින බව මූලාශ්‍රය පවසයි.
මේ අතර, මාධ්‍ය වෙත අදහස් දක්වමින් කොළඹ නියෝජ්‍ය ප්‍රාදේශීය සෞඛ්‍ය සේවා අධ්‍යක්ෂ වෛද්‍ය ජයතිලක කියා සිටියේ ගම්පහ සෞඛ්‍ය වෛද්‍ය නිලධාරී කාර්යාලයෙන් එවැනි රෝගියෙකු පිළිබඳව තමන් දැනුවත් කර ඇති අතර අවධානයෙන් පසුවන ලෙස වැඩිදුරටත් දැනුම් දුන් බවයි.
