බංග්ලාදේශයේ චිතගොං හි නැව් බහාලුම් ගබඩාවක ඊයේ රාත්‍රියේ ඇති වූ විශාල ගින්නකින් අවම වශයෙන් පුද්ගලයින් 35 දෙනෙකු මිය ගොස් තිබේ.
සිටකුන්ද ප්‍රදේශයේ ඩිපෝවේ ඇති වූ ගින්නෙන් පුද්ගලයන් 450ක් පමණ තුවාල ලබා ඇති අතර මරණ සංඛ්‍යාව ඉහළ යා හැකි බවට බලධාරීන් බිය පළ කරයි.
“මේ වන විට මළ සිරුරු 35 ක් මෙහි මෘත ශරීරාගාරය වෙත ළඟා වී තිබේ,” රජයේ චත්තග්‍රාම් වෛද්‍ය විද්‍යාල රෝහලේ (සීඑම්සීඑච්) ස්ථානගත කර ඇති පොලිස් නිලධාරියෙකු උපුටා දක්වමින් පීටීඅයි පුවත් ඒජන්සිය වාර්තා කළේය.
චිතගොං වෛද්‍ය විද්‍යාල රෝහලේ පොලිස් මුරපොලේ සේවයේ නියුතු පොලිස් නිලධාරි නුරුල් අලාම් පවසන පරිදි රසායනික ප්‍රතික්‍රියාවක් හේතුවෙන් ගින්න හටගෙන ඇති බවට මූලික විමර්ශනවලින් අනාවරණ වී ඇත.
ප්‍රදේශයේ මාධ්‍ය වාර්තා කළේ පිපිරීමක් හේතුවෙන් ගින්න පැතිර ගිය බවයි.
