පෞද්ගලික අංශයේ විධිමත් හා අවිධිමත් අංශවල සේවය කරන සේවකයින් සඳහා සමාජ ආරක්ෂණ සහ විශ්රාම වැටුප් ක්‍රමයක් සැකසීමට ලෝක බැංකුවේ සහය ලබාදෙන ලෙස කම්කරු අමාත්‍ය නිමල් සිරිපාල ද සිල්වා මහතා ඉල්ලීමක් කළේය.
අමාත්‍යවරයා මෙම ඉල්ලීම කළේ ලෝක බැංකු නියෝජිත පිරිසක් සමඟ කම්කරු අමාත්‍යාංශයේ අද පැවති සාකච්ඡාවකදීය.
ශ්‍රී ලංකාවේ රැකියා අවස්ථා විශාල ප්‍රමාණයක් ඇතත් තරුණ තරුණියන් ඒ සඳහා උනන්දුවක් නොදක්වන බව අමාත්‍යවරයා පෙන්වා දෙයි. ඔවුන් රජයේ රැකියා ලබා ගැනීමට උනන්දු වෙති.
රාජ්‍ය අංශයේ රැකියා සඳහා ශක්තිමත් විශ්රාම වැටුප් ක්‍රමයක් සහ සමාජ ආරක්ෂණ ක්‍රමයක් ඇත, නමුත් පුද්ගලික අංශයට සේවක අර්ථසාධක අරමුදල (EPF) සහ සේවක භාරකාර අරමුදල (ETF) හැර එවැනි ආරක්ෂාවක් නොමැත.
“වසංගත සමයේ රාජ්‍ය අංශයේ සේවකයන්ට අඛණ්ඩ වැටුපක් ලැබුණු නමුත් පෞද්ගලික අංශයේ සේවකයන්ට එවැනි ආරක්ෂාවක් ලැබුණේ නැත,” ඔහු පැවසීය.
ඒ අනුව පෞද්ගලික අංශයේ විධිමත් හා අවිධිමත් අංශයේ සියලුම සේවකයන්ගේ රැකියා සුරක්ෂිතභාවය තහවුරු කිරීම සඳහා ශක්තිමත් විශ්රාම වැටුප් සහ සමාජ ආරක්ෂණ වැඩපිළිවෙළක් ස්ථාපිත කිරීමට රජය අපේක්ෂා කරන බව මෙහිදී ප‍්‍රකාශ කෙරුණු බවද අමාත්‍යවරයා පැවසීය.
