ශ්රී ලංකා රේගුව විසින් බ්රහස්පතින්දා සිය විමර්ශනයක් සඳහා රේගු අධීක්ෂණය යටතේ ප්රවාහනය කරමින් තිබූ දැවැන්ත දුම්වැටි තොගයක් පොලිස් විශේෂ කාර්ය බළකාය (STF) අත්අඩංගුවට ගැනීමේ සිද්ධියක් සම්බන්ධයෙන් පුළුල් පරීක්ෂණයක් ආරම්භ කිරීමට නියමිතය.
මීට ටික කාලයකට පෙර රේගු ‘ඩී’ ශාඛාව මගින් අත්අඩංගුවට ගත් විශාල විදේශීය දුම්වැටි තොගයක් පුරවා තිබූ අඩි හතළිහක කන්ටේනරයක් ඔරුගොඩවත්ත ශ්රේණිගත බහාලුම් පර්යන්තයේ රේගු බහාලුම් පරික්ෂණ අංගනය වෙත යොමු කිරීමට නියෝග කර තිබුණා.
රේගු මුද්රාව සහිත කන්ටේනරය පස්වරු 4.59 ට කොළඹ වරායෙන් පිටත්ව ගොස් ඇති අතර එය ඉඟුරුකඩේ හන්දිය දක්වා පමණක් ගමන් කළ හැකි වූ අතර පොලිස් විශේෂ කාර්ය බළකායේ නිලධාරීන් කණ්ඩායමක් කන්ටේනර් ලොරිය අල්ලාගෙන එය අත්අඩංගුවට ගෙන ඇත.
අනතුරුව විශේෂ කාර්ය බළකාය විසින් ලොරි රථයේ රේගු මුද්රාව මධ්යයේ විවෘත කර වැඩිදුර පරීක්ෂණ සඳහා කන්ටේනරය ග්රෑන්ඩ්පාස් පොලිසිය වෙත රැගෙන ගොස් ඇත.
සාමාන්ය පරිදි විනාඩි 15ක් ගත වූවත් ලොරිය නොපැමිණි බව දුටු රේගු නිලධාරීන් එය සොයා ගොස් ඇත. ලොරිය සොයා ගැනීමට නොහැකි වූ නිසා ඔවුන් ග්රෑන්ඩ්පාස් පොලිසියට පැමිණිලි කර ඇත.
විශාල දුම්වැටි තොගයක් භාර ගන්නා ලෙසට ග්රෑන්ඩ්පාස් පොලිසියෙන් තමාට දැනුම් දෙන බව රේගුවේ උසස් නිලධාරියෙක් පැවසීය.
රේගු මාධ්ය ප්රකාශක සීවලී අරුක්ගොඩ නිවේදනයක් නිකුත් කරමින් කියා සිටියේ රේගු ආඥා පනතේ ප්රතිපාදන පවා නොසලකා හරිමින් ඔවුන්ගේ තොගය බලහත්කාරයෙන් පොලිස් විශේෂ කාර්ය බලකාය භාරයට ගෙන ඇති බවට රේගුව විසින් ඊයේ පෙරවරුවේ මාලිගාකන්ද මහේස්ත්රාත්වරයා වෙත සම්පූර්ණ සිද්ධිය වාර්තා කළ බවයි.
රේගුව විසින් වාර්තා කරන ලද කරුණු සලකා බැලූ මාලිගාකන්ද මහේස්ත්රාත්වරයා රේගු ආඥාපනතේ 136 වගන්තිය නොසලකා හරිමින් සහ නියමිත කාලය තුළ නීති විරෝධී භාණ්ඩ නැවත රේගුවට භාර නොදීම සම්බන්ධයෙන් විශේෂ කාර්ය බලකායට සහ පොලිසියට තරවටු කර ඇත.
ඊයේ සවස ග්රෑන්ඩ්පාස් පොලිසියෙන් මෙම දුම්වැටි තොගය තවමත් ලැබී නොමැති බව රේගුව ප්රකාශ කළේය.
කන්ටේනරය තුළ තිබූ හොර සිගරට් තොගය පරීක්ෂා කිරීම සඳහා ප්රවාහනය කරමින් සිටියදී පොලිස් විශේෂ කාර්ය බළකාය විසින් ඒවා පැහැරගෙන ගොස් ඇති බැවින් එහි සැබෑ ප්රමාණය කොපමණද යන්න පිළිබඳවද රේගුව දැඩි අවධානයක් යොමු කළේය.
විමර්ශන අවසන් වූ පසු මීට එරෙහිව නීතිමය ක්රියාමාර්ග ගන්නා බව රේගුවේ ජ්යෙෂ්ඨ නිලධාරියෙක් පැවසීය.
