මොණරාගල ප්‍රදේශයේ පැවති උත්සවයක් අමතමින් ජනාධිපති ගෝඨාභය රාජපක්ෂ මහතා කියා සිටියේ තමන් ජනාධිපති ධූරය දැරූ වසර දෙකක කාලය තුළ එකදු විදේශ ණයක් හෝ ලබාගෙන නොමැති බවයි.
“මගේ අවුරුදු 2ක සේවා කාලය තුළ මම එක සතයක්වත් ණයට අරගෙන නැහැ. ණය ආපසු ගෙවීම ලෙස අපට වාර්ෂිකව ඩොලර් බිලියන 6.3 ක් ගෙවිය යුතුය. මේ ණය ගත්තේ පසුගිය රජයන්. එය සංවර්ධන කටයුතු සඳහා හෝ වෙනත් ඕනෑම කටයුත්තක් සඳහා විය හැකි නමුත් අපට දැන් සෑම වසරකම ආපසු ගෙවීමට සිදුවී ඇත.
මේ අතර සමගි ජන බලවේගය (SJB) පාර්ලිමේන්තු මන්ත්‍රී පාඨලී චම්පික රණවක මහතා වත්මන් රජය ලබාගෙන ඇති බවට වාර්තා වන ණය ලැයිස්තුවක් නිකුත් කර තිබේ.
2020 වසරේදී පමණක් ඩොලර් මිලියන 1,875ක් ණය වශයෙන් ලබාගෙන ඇති බව SJB මන්ත්‍රීවරයා Facebook සටහනක් තබමින් බෙදාගත් ලැයිස්තුවේ සඳහන් වේ. 2021 දී, මුළු ණය එක්සත් ජනපද ඩොලර් මිලියන 3,300 කට වඩා වැඩි විය.
ඒ අනුව, චම්පික රණවක මහතා බෙදාගත් තොරතුරුවලට අනුව ගෙවී ගිය දෙවසර තුළදී ඇමෙරිකානු ඩොලර් බිලියන 5.18කට අධික මුදලක් ණය වශයෙන් ලබාගෙන ඇත.
