මේ වසරේ ජුනි මාසයේදී මැලේසියාවේ සිට කොළඹ වරායට පැමිණි රුපියල් මිලියන 27කට අධික වටිනාකමකින් යුත් විශාල කරුංකා (පුවක්) ප්රතිනැව්ගත කිරීමක් ශ්රී ලංකා රේගුව විසින් ඊයේ ප්රදර්ශනය කරන ලදී.
රේගු මධ්යම බුද්ධි අංශයේ (CID) නිලධාරීන් ලද තොරතුරක් මත මෙරටට පැමිණි අඩි 40 ක කන්ටේනරයක් පරීක්ෂා කිරීමේදී මුද්රණ ද්රව්ය ලෙස ප්රකාශයට පත් කර තිබූ කරුන්කා මෙට්රික් ටොන් 25 (කිලෝග්රෑම් 25,530) සොයා ගන්නා ලදී.
රේගු මාධ්ය ප්රකාශක සීවලී අරුක්ගොඩ මහත්මිය සඳහන් කළේ, එම තොගයේ වටිනාකම රුපියල් 27,400,000ක් වන බවයි.
මෙම තොගය ශ්රී ලංකා පුවක් ලෙස නම් කර විශාල ලාභ ආන්තිකයක් සඳහා ඉන්දියාවට අපනයනය කිරීමට ඇති බවට බලධාරීන් සැක කරයි. දේශීය පුවක් කර්මාන්තයට බලපාන බැවින් කරුංකා හෝ පුවක් ශ්රී ලංකාවට ආනයනය කිරීම නීතියෙන් තහනම් වේ.
රේගු අපරාධ පරීක්ෂණ දෙපාර්තමේන්තුවේ අධ්යක්ෂ ටී ඩබ්ලිව් කේ විජේතුංග මහතාගේ ප්රධානත්වයෙන් ජ්යෙෂ්ඨ නියෝජ්ය අධ්යක්ෂ තිමල් වර්ණකුලසූරිය, නියෝජ්ය අධ්යක්ෂවරුන් වන එච් ආර් ජී කරුණාතිලක සහ රාජිත කෝමන්ගොඩ, නියෝජ්ය අධිකාරි විරාජ් තිලකරත්න සහ සහකාර අධිකාරිවරුන් වන කැළුම් තුෂාර, ශානක කුමාරගේ, සුදේශ් ප්රනාන්දු සහ එරන්දි සිල්වා යන මහත්ම මහත්මීහු පරීක්ෂණ මෙහෙය වූහ.
විමර්ශනවලදී සැකකරුවන් සිව් දෙනෙකු අත්අඩංගුවට ගෙන ඇති අතර භාණ්ඩ රාජසන්තක කිරීමට නියෝග කිරීමට පෙර රුපියල් ලක්ෂ 19ක දඩ මුදලක් නියම කර තිබේ.
