දහම් සිරිසේන මහතා පොළොන්නරුව බටහිර ශ්‍රීලනිප සංවිධායකවරයා ලෙස පත් කරයි.
පොළොන්නරුව දිස්ත්‍රික් ශ්‍රී ලංකා නිදහස් පක්ෂයේ (ශ්‍රීලනිප) තරුණ සංගමයේ සභාපති දහම් සිරිසේන මහතා පොළොන්නරුව බටහිර ආසන සංවිධායකවරයා ලෙස පත් කර තිබේ.
දහම් යනු පොළොන්නරුව දිස්ත්‍රික් පාර්ලිමේන්තු මන්ත්‍රී හිටපු ජනාධිපති මෛත්‍රීපාල සිරිසේන මහතාගේ පුත්‍රයාය.
මීට පෙර මෙම ධුරය දැරුවේ උතුරුමැද පළාත් හිටපු ප්‍රධාන අමාත්‍ය සහ වයඹ පළාත් හිටපු ආණ්ඩුකාර පේෂල ජයරත්නයි.
ශ්‍රීලනිප මහලේකම් දයාසිරි ජයසේකර මහතා ඉදිරියේ ශ්‍රීලනිප මූලස්ථානයේ දී මෙම පත් කිරීම සිදු කෙරිණි.
