මුස්ලිම් අන්තවාදීන් විසින් එල්ල කළ පාස්කු දින මරාගෙන මැරෙන මැරෙන බෝම්බ ප්‍රහාර මාලාව මෙහෙයවූ ජාතික තවුහිත් ජමාද් ත්‍රස්ත සංවිධානයේ නායක මොහොමඩ් සහරාන් ඇතුළු එම කල්ලියේ සාමාජිකයින්ගේ රුපියල් කෝටි 113 ක මුදල් හා දේපළ අත්හිටුවා ඇතැයි අපරාධ පරීක්ෂණ දෙපාර්තමේන්තුව පවසයි.
අපරාධ පරීක්ෂණ දෙපාර්තමේන්තුව මේ සම්බන්ධයෙන් අධිකරණයට කරුණු වාර්තා කර ඇත. මේවා අතර රුපියල් කෝටි 100 ක දේපළ හා රුපියල් කෝටි 13 ක් වටිනා මුදල් හා බැංකු ගිණුම් තිබෙන බව ද අපරාධ පරීක්ෂණ දෙපාර්තමේන්තුව සඳහන් කරයි.
පාස්කු ප්‍රහාරය සම්බන්ධයෙන් ත්‍රස්ත සාමාජිකයන් 60කට අධික පිරිසක් මේ වනවිට අත්අඩංගුවට ගෙන ඇති අතර ඔවුන් අතර කාන්තාවන් ද සිටින බව ඒ මහතා පැවසීය.
(උපුටා ගැනීම – ලංකාදීප)
