ජාත්‍යන්තර මුහුදු මාර්ගවල ආරක්ෂාව තහවුරු කිරීම සඳහා නාවික නෞකාවක් යැවීමට රජය ගෙන ඇති පියවර විවේචනය කරමින් කොළඹ අගරදගුරු කාදිනල් මැල්කම් රංජිත් හිමිපාණන් ප්‍රකාශ කළේ දේශීය කටයුතු බලධාරීන් විසින් නොසලකා හැර ඇති බවයි.
බොරැල්ල සර්ව සාන්තුවරයන්ගේ දේවස්ථානයේ අත්බෝම්බයක් සොයා දෙවසරක් පිරීම නිමිත්තෙන් පැවති විශේෂ දේව මෙහෙය අමතමින් කාදිනල් රංජිත් හිමිපාණන් පැවසුවේ පාස්කු ඉරිදා ප්‍රහාරය සැලසුම් කළ දේවස්ථානය තුළ අත්බෝම්බයක් තැබූ සැබෑ අපරාධකරුවන් සහ පසුගිය කාලයේ මාධ්‍යයට හිරිහැර කළ අය සොයා ගැනීමට බලධාරීන් අපොහොසත් වී ඇති බවයි. .
පාස්කු ඉරිදා ප්‍රහාරය පිටුපස සිටි අයට යුක්තිය ඉටු වන ආකාරය අපි තවම බලා සිටිමු. ප්‍රගීත් එක්නැළිගොඩ අතුරුදහන් කිරීම සහ සන්ඩේ ලීඩර් කතෘ ලසන්ත වික්‍රමතුංග ඝාතනය පිටුපස සිටියේ කවුරුන්ද යන්න තවමත් කිසිවකු දන්නේ නැත. සියල්ල කාපට් යට ගසා ඇත. රටේ දැවෙන ප්‍රශ්න විසඳනවාට වඩා ජාත්‍යන්තර මුහුද ආරක්ෂා කිරීමට බලධාරීන් ප්‍රමුඛත්වය දෙන බවක් පෙනෙනවා,” ඔහු වැඩිදුරටත් පැවසීය.
“2024 මැතිවරණ වසරක් බව අපට වැටහෙනවා. මෙවර ජනතාව නිසි නායකයින්ට ජාතිය භාර දෙනු ඇතැයි අපි බලාපොරොත්තු වෙමු, ප්‍රාර්ථනා කරමු, ”ඔහු පැවසීය
