ජනාධිපති රනිල් වික්‍රමසිංහ මහතා මුදල් අමාත්‍යවරයා ලෙස වැඩ භාර ගැනීමෙන් පසු මත්පැන් බලපත්‍ර 250ත් 300ත් අතර ප්‍රමාණයක් ලබාදී ඇති බව ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් මහතා චෝදනා කරයි.
නව ඔට්ටු ඇල්ලීමේ සහ සූදු බද්ද (සංශෝධන) පනත් කෙටුම්පත මගින් දැනට පවතින කැසිනෝ බලපත්‍ර හතරට අමතරව අසීමිත සංඛ්‍යාවක් රට තුළ කැසිනෝ සඳහා නිකුත් කිරීමට ඉඩ සැලසෙන බව ඔහු පාර්ලිමේන්තුවට පැවසීය.
ඔට්ටු ඇල්ලීමේ සහ සූදු බදු (සංශෝධන) පනත් කෙටුම්පත පිළිබඳ විවාදයේදී අදහස් දක්වමින් මන්ත්‍රීවරයා කියා සිටියේ සිංගප්පූරුවේ ඇත්තේ කැසිනෝ දෙකක් පමණක් බවත් මැලේසියාවේ ඇත්තේ එක් කැසිනෝ ශාලාවක් බවත්ය.
“නව ඔට්ටු ඇල්ලීමේ සහ සූදු බද්ද (සංශෝධන) පනත් කෙටුම්පත බලාත්මක වූ පසු රට තුළ අසීමිත කැසිනෝ ශාලා ස්ථාපිත කෙරෙනු ඇත. මෙය බරපතල තත්ත්වයකි,” ඔහු පැවසීය.
