ලයිකා මොබයිල් සමූහ ව්‍යාපාරයට කෙටි කාලීන බදු ගිවිසුමක් මත චැනල් අයි බද්දට ලබාදී ඇති බවත් ඊට අදාළ කැබිනට් පත්‍රිකාව ප්‍රතික්ෂේප කළ බවට කෙරෙන ප්‍රකාශ ප්‍රතික්ෂේප කරන බවත් ජනමාධ්‍ය අමාත්‍ය බන්දුල ගුණවර්ධන මහතා ඊයේ ප්‍රකාශ කළේය.
විෂය භාර අමාත්‍යවරයා ලෙස තමාගේ අනුමැතිය ඇතිව අධ්‍යක්ෂ මණ්ඩලය ගත් තීරණයකට අනුව පාඩු ලබන චැනල් අයි ආයතනය බදු දීමට තීරණය කළ බව සතිපතා පැවැත්වෙන කැබිනට් තීරණ දැනුම්දීමේ මාධ්‍ය හමුවේදී ඔහු කියා සිටියේය.
නාලිකාවේ විකාශන කාලය පමණක් ලයිකා මොබයිල් සමූහයට බදු දී ඇත්තේ ක්‍රීඩා ඉසව් විකාශනය කිරීම සඳහා පමණක් මසකට රුපියල් මිලියන 25 බැගින් ගෙවා ඇති බව අමාත්‍යවරයා පැවසීය.
මේ සම්බන්ධයෙන් සඳුදා ඉදිරිපත් කළ කැබිනට් පත්‍රිකාව ප්‍රතික්ෂේප කළ බවට පළ වූ මාධ්‍ය වාර්තා ප්‍රතික්ෂේප කරමින් ඔහු කියා සිටියේ වාණිජ කටයුතු සම්බන්ධයෙන් තීරණ ගැනීමට අධ්‍යක්ෂ මණ්ඩලයට බලය ඇති බැවින් කැබිනට් පත්‍රිකාවක් අවශ්‍ය නොවන බවත් එම නිසා කැබිනට් පත්‍රිකාව ඉල්ලා අස්කර ගත් බවත්ය.
මුලදී වෙනත් යෝජනාවක් නොතිබූ බැවින් නාලිකාව Lyca Mobile වෙත බදු දුන් බව ඔහු පැවසීය.
ක්‍රීඩා සහ විනෝදාස්වාදය විකාශනය කිරීම සඳහා Chanel Eye වසර දෙකක දීර්ඝ කාලීන බදු ගිවිසුමක් මත බදු දීමට සැලසුම් කරමින් සිටින බවත් අධ්‍යක්ෂ මණ්ඩලය මෙම යෝජනාව අනුමත කළ පසු ඒ සම්බන්ධයෙන් ටෙන්ඩර් කැඳවන බවත් ඔහු පැවසීය.
ජනතා විමුක්ති පෙරමුණේ හිටපු පාර්ලිමේන්තු මන්ත්‍රී නලින්ද ජයතිස්ස පැවසුවේ රජයට අයත් චැනල් අයි පසුගිය ජුනි 30 වැනිදා සිට මාස 6කට ක්‍රියාත්මක වන පරිදි මසකට රුපියල් මිලියන 250කට VIS Broadcasting (Pvt.) Ltd සමාගමට රහසිගතව විකුණා ඇති බවයි.
