කළුතර ප්‍රදේශයේ නිවසක ඇඳක මෙට්ටයක් යට සඟවා තිබූ කඩු 10ක් පොලිසිය විසින් සොයාගෙන තිබෙනවා.
කිසියම් අපරාධයක් සිදුකිරීමේ අරමුණින් එලෙස එම කඩු සගවා තබන්නට ඇති බවටයි කළුතර කොට්ඨාස අපරාධ විමර්ශන ඒකකය සැක කරන්නේ.
සිද්ධිය සම්බන්ධයෙන් පුද්ගලයන් දෙදෙනකු ද අත්අඩංගුවට ගෙන තිබෙනවා.
ඔවුන් කළුතර, මිහිකතවත්ත ප්‍රදේශයේ පදිංචිකරුවන් බවයි පොලිසිය පැවසුවේ.
කළුතර කොට්ඨාස අපරාධ විමර්ශන ඒකකයට ලද තොරතුරක් මත සිදුකල වැටලීමකදීයි මෙම කඩු සොයාගෙන ඇත්තේ.
සැකකරුවන් කළුතර මහේස්ත්‍රාත් අධිකරණය වෙත ඉදිරිපත් කිරිමට නියමිතයි.
