වෙළෙඳපොළ විනිවිදභාවය නොමැතිකම සහ තවත් ගැටලු රැසක් එළවළු මිල ඉහළ යාමට හේතු වී ඇති බව සමගි ජන බලවේගයේ (SJB) මන්ත්‍රීවරයෙක් පැවසීය.
සමගි ජන බලවේගයේ පාර්ලිමේන්තු මන්ත්‍රී සහ රාජ්‍ය මුදල් පිළිබඳ කාරක සභාවේ (COPF) සභාපති ආචාර්ය හර්ෂ ද සිල්වා මහතා පැවසුවේ වෙළඳපොලේ විනිවිදභාවය නොමැතිකම සහ තවත් ගැටළු රාශියක් එළවළු මිල ඉහළ යාමට හේතු වී ඇති බවයි.
“එළවළු තොග සිල්ලර වෙළඳපොළට පැමිණෙන තෙක් වගාකරුවන්ගේ සිටම අතරමැදියන් දෙදෙනෙකු හරහා ගමන් කරයි. ගොවීන්ගෙන් එළවළු මිලදී ගන්නා තැනැත්තා එය වෙනත් ගැණුම්කරුවෙකුට විකුණා තොග වෙළඳපොළට පැමිණෙන්නේ දෙවැනි ගැනුම්කරු හරහාය. කොළඹ තේ වෙන්දේසිය මෙන් මෙම ක්‍රියාවලියේ විනිවිද භාවයක් නොමැත. කොළඹ තේ වෙන්දේසියේ විවෘත ලංසු තැබීමක් පවතින අතර එහිදී අලෙවිය අවසන් වන තෙක් විවිධ මිල ගණන් ඉදිරිපත් කෙරේ. කෙසේ වෙතත් අතරමැදියන් තම නිෂ්පාදන නැවත අලෙවි කිරීමෙන් කොපමණ මුදලක් උපයනවාද යන්න එළවළු ගොවීන් දන්නේ නැත. මේ ක්‍රියාවලිය යටතේ අවසාන වශයෙන් පරාජිතයා බවට පත්වන්නේ ගොවියායි.” ආචාර්ය ද සිල්වා මාධ්‍ය හමුවකදී පැවසීය.
“අනෙක් ප්‍රශ්නය නම් එළවළු කල් තබා ගැනීමට ගබඩා පහසුකම් නොමැතිකම බව පෙන්වා දුන් ඔහු වැඩිදුරටත් සඳහන් කළේ, “අපි යහපාලන රජය සමයේ දඹුල්ල ප්‍රදේශයේ නවීන ගබඩා සංකීර්ණයක් ඉදිකිරීම ආරම්භ කළා. නමුත් 2019 බලයට පත් රජය මේ ව්‍යාපෘතිය නතර කළා. අපි ආහාර කොමසාරිස්තුමාට කතා කරලා මේ අවුරුද්දේ ගබඩාවේ වැඩ අවසන් කරන බවට එතුමා සහතික වුණා.” ඔහු වැඩිදුරටත් පැවසීය.
“මීට අමතරව, ගොවීන් ඇතුළත් අන්තර්ජාල ජාලයක් හඳුන්වාදීම කෙරෙහි අවධානය යොමු කළ යුතුය. යෙදවුම්, මිල සහ අනෙකුත් තොරතුරු පිළිබඳ තොරතුරු මෙම ජාලය හරහා ලබා ගත හැකි අතර එමඟින් වෙළඳපොළට යම් විනිවිදභාවයක් ගෙන එනු ඇත.
