ශ්‍රී ලංකා රාමඤ්ඤ මහා නිකායේ අනුනායක ධුරය හෙබවූ, මහනුවර ඓතිහාසික ගැටඹේ රාජෝපවනාරාමාධිපති අතිපූජ්‍ය කප්පෙටියාගොඩ සිරිවිමල හිමියෝ වයස අවුරුදු 95දී අපවත් වූහ.
උන්වහන්සේ ඉරිදා (ඔක්තෝබර් 18) අපවත් වූ බව වාර්තා වේ.
ශ්‍රී ලංකාවේ බෞද්ධ සංඝ සමාජයේ කැපී පෙනෙන චරිතයක් වූ සිරිවිමල හිමියෝ දශක හතරකට වැඩි කාලයක් ගැටඹේ රාජෝපවනාරාමාධිපති ධුරය හොබවමින් ශාසනික සේවයේ නිරත වූහ.
උන්වහන්සේගේ අවසන් කටයුතු පිළිබඳ තොරතුරු ඉදිරියේදී ප්‍රකාශයට පත් කිරීමට නියමිතය.
