ඔන්මැක්ස් ඩීටී සමාගමට සම්බන්ධ අධ්‍යක්ෂවරුන් පස් දෙනෙකු නීතිවිරෝධී පිරමීඩ යෝජනා ක්‍රම සම්බන්ධයෙන් මුල්‍ය අපරාධ විමර්ශන කොට්ඨාශය විසින් අත්අඩංගුවට ගෙන තිබේ.
මෙම අත්අඩංගුවට ගැනීම් එම සමාගම මෙවැනි යෝජනා ක්‍රමවලට සම්බන්ධ බවට සිදු කෙරෙන විමර්ශනවල ප්‍රතිඵලයක් බව පොලිසිය පවසයි.
සැකකරුවන් අධිකරණයට ඉදිරිපත් කිරීමට නියමිතය.
Onmax DT අධ්‍යක්ෂවරුන් තිදෙනකුට අයත් රුපියල් මිලියන 88.8ක දේපළ විකිණීම හෝ පැවරීම වහා වළක්වන ලෙසට කොළඹ ප්‍රධාන මහේස්ත්‍රාත්වරයා ඉඩම් රෙජිස්ට්‍රාර්වරයාට නියෝග නිකුත් කර තිබිණි. දේපළවලට ඉඩකඩ සහිත මහල් නිවාස සහ සුඛෝපභෝගී හෝටල් ඇතුළත් වේ.
සමාගමේ තවත් අධ්‍යක්ෂවරයෙකු වන සම්පත් සඳරුවන්ට අයත් දේපළ සම්බන්ධයෙන් ද මීට පෙරද මෙවැනි නියෝග නිකුත් කර තිබුණා.
