නව මත්පැන් බලපත්‍ර ප්‍රදානය කරනු ලබන්නේ රටේ ජනගහනය සහ සංචාරකයින්ගේ පැමිණීම වැනි කරුණු මත පමණක් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
ඔහු මේ බව කියා සිටියේ ඊයේ පස්වරුවේ කරවනැල්ල ප්‍රදේශයේ පැවති උත්සවයකදී මාධ්‍යවේදියෙකු නැගූ ප්‍රශ්නයකට පිළිතුරු ලබාදෙමින්.
සතොස අලෙවිසැල්වලට අයත් මත්පැන් බලපත්‍ර 100න් 55ක් අර්ජුන් ඇලෝසියස්ට අයත් වෙනත් සමාගම්වලට පැවරීමට රජය අදහස් කරන බව ඔහු ප්‍රතික්ෂේප කළේය.
වෙනත් කිසිදු රජයක් මෙතරම් බලපෑමක් කළ මත්පැන් සමාගම්වලින් බදු අය කර නොමැති අතර ක්‍රමානුකූලව එවැනි මුදලක් අය කර නොමැති බව අමාත්‍ය සියඹලාපිටිය මහතා පැවසීය. සතොසට අයත් මත්පැන් බලපත්‍ර ලබා දෙන ලෙස කිසිඳු ඉල්ලීමක් කර නොමැති බවත් එසේ ඉල්ලීම් කළද වෙනත් අයකුට මත්පැන් බලපත්‍ර බදු දීමට නොහැකි බවත් හෙතෙම සඳහන් කළේය.
2003 වසරේ පමණක් බදු හේතුවෙන් මධ්‍යසාර මිල 108% කින් ඉහළ ගොස් ඇති බවත්, ඒ අනුව රජය කිසිදු අවස්ථාවක නීත්‍යානුකූල මත්පැන් පරිභෝජනය වැඩි නොකරන බවත් ඔහු පැවසීය.
සියලුම මත්පැන් බලපත්‍ර සඳහා අය කරන වාර්ෂික ගාස්තුව දස ගුණයකින් වැඩි කර ඇති බවත්, ඒ අනුව නීති විරෝධී මත්පැන් වර්ධනය අවම කිරීමට රජය කටයුතු කරමින් සිටින බවත්, නීත්‍යානුකූල මත්පැන් භාවිතය ද අධෛර්යමත් කරන බවත් ඇමැතිවරයා සඳහන් කළේය.
