වත්මන් ජනාධිපති ගෝඨාභය රාජපක්ෂ මහතාගේ ආණ්ඩුවේ තවත් වෙනස්කම් හතරක් සිදුවී තිබේ.
ජනාධිපති මාධ්‍ය අංශය සඳහන් කළේ, ඊයේ සිදුවූ කැබිනට් සංශෝධනය යටතේ තවත් අමාත්‍යවරුන් දෙදෙනෙකු සහ රාජ්‍ය අමාත්‍යවරුන් දෙදෙනෙකු පත් කර ඇති බවයි.
ප්‍රවාහන රාජ්‍ය අමාත්‍ය දිලුම් අමුණුගම මහතා ප්‍රවාහන අමාත්‍යවරයා ලෙස ජනාධිපති ගෝඨාභය රාජපක්ෂ මහතා ඉදිරියේ අද ජනාධිපති කාර්යාලයේ දී දිවුරුම් දුන්නේය.
ඊයේ සිදුවූ සුළු අමාත්‍ය මණ්ඩල සංශෝධනයේදී විදුලිබල අමාත්‍ය ධුරයට පත් වූ පවිත්‍රා වන්නිආරච්චි අමාත්‍යවරිය වෙනුවට ඔහු පත් කෙරේ.
වනජීවී ආරක්ෂණ හා වන සම්පත් සංවර්ධන අමාත්‍යවරයා ලෙස සී.බී.රත්නායක මහතා පත් කර තිබේ.
විමලවීර දිසානායක මහතා ආපදා කළමනාකරණ රාජ්‍ය අමාත්‍යවරයා ලෙස පත් කර තිබේ.
මෙම මන්ත්‍රීවරුන් දෙදෙනා ද අද ජනාධිපති ගෝඨාභය රාජපක්ෂ මහතා ඉදිරියේ සිය අමාත්‍ය ධුරවල දිවුරුම් දුන්හ.
මේ අතර, පොල්, කිතුල් සහ තල් වගා ප්‍රවර්ධන රාජ්‍ය අමාත්‍යවරයා ලෙස පාර්ලිමේන්තු මන්ත්‍රී අරුන්දික ප්‍රනාන්දු අද යළි පත් කෙරුණා.
පසුගිය පෙබරවාරි මාසයේදී රාගම පිහිටි කැලණිය විශ්වවිද්‍යාලයේ වෛද්‍ය පීඨයේ සිසුන් පිරිසකට පහරදීමේ සිද්ධියක් සම්බන්ධයෙන් 23 හැවිරිදි ඔහුගේ පුත්‍රයා අත්අඩංගුවට ගැනීමත් සමඟ රාජ්‍ය අමාත්‍යවරයා මීට පෙර සිය අමාත්‍ය ධූරයෙන් තාවකාලිකව ඉල්ලා අස්විය.
රාගම වෛද්‍ය පීඨ ගැටුමේ අවසන් වාර්තාව ඊයේ ජනාධිපති ගෝඨාභය රාජපක්ෂ මහතා වෙත භාරදුන් අතර එහිදී අරුන්දික ප්‍රනාන්දු මන්ත්‍රීවරයා වැරදිකරු නොවන බවට අනාවරණය වී තිබුණා.
ඒ අනුව අරුන්දික ප්‍රනාන්දු මන්ත්‍රීවරයා පොල්, කිතුල් සහ තල් වගා ප්‍රවර්ධන රාජ්‍ය අමාත්‍යවරයා ලෙස අද ජනාධිපතිවරයා ඉදිරියේ යළි පිහිටුවනු ලැබුවා.
