වයස අවුරුදු 20 ට වැඩි සියලුම දෙනා සඳහා ෆයිසර් බූස්ටරය ලබාදීමට රජය තීරණය කර ඇති බව රාජ්‍ය අමාත්‍ය චන්න ජයසුමන මහතා පැවසීය.
Covid 19 එන්නත ලබාදීමේ අවසන් අදියරට ශ්‍රී ලංකාව පැමිණ ඇති බවත්, 2 වන මාත්‍රාව ලබාගෙන මාස 3ක් සම්පූර්ණ වූ වයස අවුරුදු 20 ට වැඩි සියලු දෙනාටම බූස්ටරය ලබාදීමට රජය තීරණය කළ බවත් ඔහු පැවසීය.
“ඔබට දැන් ඔබ අසල ඇති එන්නත් මධ්‍යස්ථානයකින් බූස්ටරය ලබා ගත හැක. එළඹෙන උත්සව සමය සලකා බලා එහි තුන්වන බූස්ටරය ලබාදීමේ කටයුතු අපි කඩිනම් කර තිබෙනවා” යැයි අද (12) අනුරාධපුරයේදී මාධ්‍ය අමතමින් ඔහු පැවසීය.
ඊයේ (11) දින පමණක් Pfizer බූස්ටර එන්නත් මාත්‍රා 81,208 ක් ලබා දී ඇති අතර මේ වන විට මිලියන 1.2 කට අධික පිරිසකට බූස්ටර එන්නත ලබා දී ඇති බව අමාත්‍යවරයා වැඩිදුරටත් පැවසීය.
හැකි ඉක්මනින් එන්නත් ලබා ගන්නා ලෙස රාජ්‍ය අමාත්‍යවරයා ජනතාවගෙන් ඉල්ලා සිටියේය.
