2019 පාස්කු ඉරිදාට ආසන්න ත්‍රස්ත ප්‍රහාරයක් ගැන පල්ලියේ බලධාරීන් ඇතුළු බොහෝ දෙනෙක් නොදැන සිටියද විශේෂ ජනාධිපති කොමිෂන් සභා වාර්තාවලට අනුව තවත් 15,000 කට ආසන්න පිරිසක් ඒ පිළිබඳව කලින් දැන සිටි බව කොළඹ අගරදගුරු මැල්කම් කාදිනල් රංජිත් හිමිපාණන් පවසයි.
පසුගිය සතියේ මීගමුව කටුවාපිටිය ශාන්ත සෙබස්තියන් දේවස්ථානයට ඉතාලියේ බ්‍රෙචියා ප්‍රදේශයේ ජනතාව විසින් පරිත්‍යාග කරන ලද අපොස්තුළුවරුන් 12 දෙනාගේ කිරිගරුඬ ව්‍යුහයන්ට ආශිර්වාද කිරීම සැමරීමේ දිව්‍ය පූජාව අමතමින් කාදිනල් හිමිපාණන් මෙසේ ප්‍රකාශ කළේය. විශේෂ ජනාධිපති කොමිෂන් සභා වාර්තාවට අනුව පුද්ගලයන් 15,000ක් ඒ පිළිබඳ දැනුමක් ඇති බව පැවසේ. විමර්ශනවලින් සියයට 99 කට ආසන්න ප්‍රමාණයක් අවසන් වී ඇති බවට මහජන ආරක්‍ෂක අමාත්‍යවරයා කළ ප්‍රකාශය සම්බන්ධයෙන් ද අපට බරපතළ සැකයක් තිබෙනවා.”
මෙම සාහසික අපරාධය සිදුකිරීමට අපරාධකරුවන්ට සහය වෙමින් සහය දෙන තවත් පිරිසක් සිටි බවට පසුගියදා පල්ලියට තොරතුරු ලැබුණු බව අතිඋතුම් හිමියෝ පැවසූහ.
පාස්කු ඉරිදා ත්‍රස්ත ප්‍රහාරය පිළිබඳ විශේෂ ජනාධිපති කොමිසමේ නිර්දේශය පරිදි අවශ්‍ය ක්‍රියාමාර්ග ගැනීමට නොහැකි රටේ නීතිය හා සාමය ආරක්ෂා කිරීමට නොහැකි වත්මන් නායකයන් සමඟ වාඩි වී සාකච්ඡා කිරීමට අපි සූදානම් නැහැ. ශ්‍රේෂ්ඨාධිකරණයේ තීන්දුවලට ගරු කරන්නේ නැහැ” කාදිනල් රංජිත් හිමිපාණන් පැවසීය.
මොන්සිග්නෝර් නෙවිල් ජෝ පෙරේරා, මීගමුව ප්‍රදේශයේ රදගුරු හිමිපාණන්, ගරු සිස්වාන් ද කෲස් පියතුමා, කටුවාපිටියේ පූජක මංජුල නිරෝෂන් පියතුමා ඇතුළු පිරිසක් මෙම අවස්ථාවට එක්ව සිටියහ.
