Wednesday, 18 November 2026

ශ්‍රී ලංකාවේ උණුසුම් පුවත් විමසුම

සමාව අයැදීමෙන් පසු බලංගොඩ කස්සප හිමි ඇප මත මුදාහැරේ

බෙදාගන්න
XWhatsAppTelegramඅදහස්

විහාරස්ථානයක ඉදිකිරීමක් සිදු කිරීම සහ බුදු පිළිමයක් තැන්පත් කිරීම සම්බන්ධ නඩුවකට අදාළව ත්‍රිකුණාමලය මහේස්ත්‍රාත් අධිකරණය හමුවේ පෙනී නොසිටීම හේතුවෙන් රක්ෂිත බන්ධනාගාරගත කර සිටි පූජ්‍ය බලංගොඩ කස්සප හිමියන් නොවැම්බර් 17 වැනිදා ඇප මත මුදාහැර තිබේ.

මීට පෙර පනවා තිබූ ඇප කොන්දේසි උල්ලංඝනය කිරීම සහ ත්‍රිකුණාමලය අධිකරණයට මෙන්ම අනුරාධපුරයේ විනිසුරුවරයෙකුට එරෙහිව අපහාසාත්මක ප්‍රකාශ සිදු කළ බවට එල්ල වූ චෝදනා සම්බන්ධයෙන් උන්වහන්සේ සිය නීතිඥවරයා මාර්ගයෙන් සමාව අයැද සිටීමෙන් අනතුරුව ත්‍රිකුණාමලය මහේස්ත්‍රාත් අධිකරණය මෙලෙස උන්වහන්සේ මුදාහැරීමට නියෝග කළේය.

පූජ්‍ය බලංගොඩ කස්සප හිමියන් වෙනුවෙන් ඉදිරිපත් කළ එම සමාව අයැදීම සලකා බැලීමෙන් පසු අධිකරණය විසින් ඇප ලබා දෙන ලදී.

ත්‍රිකුණාමලය ශ්‍රී සම්බුද්ධ ජයන්ති බෝධිරාජ විහාරස්ථාන පරිශ්‍රයේ ඉදිකිරීමක් සිදු කිරීම සහ බුද්ධ ප්‍රතිමාවක් තැන්පත් කිරීම සම්බන්ධ නඩුවකට අදාළව අධිකරණය හමුවේ පෙනී නොසිටීම හේතුවෙන් උන්වහන්සේ මීට පෙර අත්අඩංගුවට ගෙන රක්ෂිත බන්ධනාගාරගත කර තිබුණි.

ඔබේ අදහස