විදේශ කටයුතු අමාත්‍යාංශය විසින් සංවිධානය කරන ලද ශ්‍රී ලංකාවේ සේවය කරන තානාපතිවරුන් සහ මහ කොමසාරිස්වරුන් සඳහා නත්තල් සුහද හමුව සහ රාත්‍රී භෝජන සංග්‍රහය පෙරේදා (12) රාත්‍රියේ කොළඹ ෂැංග්‍රිලා හෝටලයේදී පැවැත්විණි.
නිවේදනයක් නිකුත් කරමින් අග්‍රාමාත්‍ය මහින්ද රාජපක්ෂ මහතා පැවසුවේ තමන් සහ තම බිරිඳ එළඹෙන නත්තල් උත්සවයේ කොටසක් ලෙස පැවති සුහද හමුවට සහභාගී වූ බවයි.
මෙම උත්සවය අතරතුර තානාපතිවරුන්, මහ කොමසාරිස්වරුන්, අනෙකුත් ඉහළ නිලධාරීන් සහ රාජ්‍ය නොවන සංවිධාන නියෝජිතයන් සමඟ සුහද කතාබහක නිරත වූ බව අග්‍රාමාත්‍යවරයා සඳහන් කළේය.
විදේශ කටයුතු අමාත්‍ය මහාචාර්ය ජී එල් පීරිස්, අමාත්‍යවරුන් වන නිමල් සිරිපාල ද සිල්වා, පවිත්‍රාදේවි වන්නිආරච්චි, අලි සබ්රි, රාජ්‍ය අමාත්‍යවරුන් වන කනක හේරත්, තාරක බාලසූරිය, පාර්ලිමේන්තු මන්ත්‍රීවරුන් වන ජයන්ත වීරසිංහ, සුරේන් රාගවන්, අග්‍රාමාත්‍ය ලේකම් ගාමිණී සෙනරත් යන මහත්වරු ද මෙම අවස්ථාවට එක්ව සිටියහ. රැස් වෙනවා.
