රක්ෂිත බන්ධනාගාරගතව සිටි අන්තර් විශ්වවිද්යාල ශිෂ්ය බලමණ්ඩලයේ කැඳවුම්කරු වසන්ත මුදලිගේ ත්රස්තවාදය වැළැක්වීමේ පනත යටතේ ගොනු කර තිබූ නඩුවෙන් නිදහස් කර තිබේ.
ත්රස්තවාදය වැළක්වීමේ පනත යටතේ රඳවා සිටි මුදලිගේ මහතා ඊයේ (31) කොළඹ ප්රධාන මහේස්ත්රාත්වරයා විසින් නිදහස් කරනු ලැබීය.
තීන්දුව ප්රකාශයට පත් කරමින් කොළඹ ප්රධාන මහේස්ත්රාත්වරයා ත්රස්තවාදය වැළැක්වීමේ පනත යටතේ ගොනු කර තිබූ සියලුම චෝදනාවලින් වසන්ත මුදලිගේ නිදහස් කළේය.
මුදලිගේ මහතාට එරෙහිව චෝදනා ගොනු කිරීම සඳහා කොළඹ ත්රස්ත විමර්ශන කොට්ඨාශය (TID) ත්රස්තවාදය වැළැක්වීමේ පනත අවභාවිත කර ඇති බව ඔප්පු වී ඇති බව පවසමින් කොළඹ ප්රධාන මහේස්ත්රාත්වරයා මුදලිගේ මුදා හැරියේය.
ත්රස්තවාදය වැළැක්වීමේ පනතේ සඳහන් කිසිදු වරදක් මුදලිගේ විසින් සිදුකර නොමැති බව කොළඹ ප්රධාන මහේස්ත්රාත්වරයා වැඩිදුරටත් සඳහන් කළේය.
ශිෂ්ය ක්රියාකාරිකයා 2022 දී රාජ්ය විරෝධී උද්ඝෝෂණවලට සහභාගී වීම නිසා දින 140 කට වැඩි කාලයක් ත්රස්තවාදය වැළැක්වීමේ පනත යටතේ රඳවාගෙන සිටියේය.