ආණ්ඩුක්‍රම ව්‍යවස්ථාව අනුව ලබන වසරේ ජනාධිපතිවරණය පැවැත්වීමට නියමිත බවත් ඉන් අනතුරුව පාර්ලිමේන්තු මැතිවරණය පැවැත්වීමට නියමිත බවත් ජනාධිපති රනිල් වික්‍රමසිංහ මහතා පවසයි.
“ජනාධිපතිවරණය සහ මහ මැතිවරණය යන දෙකම ලබන වසරේ පැවැත්වෙන අතර පළාත් සභා මැතිවරණය 2025 මුලදී පවත්වනවා” යනුවෙන් කොළඹ පැවති එක්සත් ජාතික පක්ෂ සම්මේලනය අමතමින් ජනාධිපතිවරයා පැවසීය.
“රටේ ඡන්ද දායකයන්ගෙන් සියයට 50ක් පමණ සියලු දේශපාලන පක්ෂ ප්‍රතික්ෂේප කරනවා. ඔවුන්ට අවශ්‍ය අලුත් දේශපාලන සංස්කෘතියක්. දේශපාලන පක්ෂ ගැන සොයා බැලීමට විශ්‍රාමලත් අගවිනිසුරු ප්‍රියසාද් ඩෙප්ගේ ප්‍රධානත්වයෙන් කොමිසමක් පත් කරනවා. දේශපාලන පක්ෂ විශාල ප්‍රමාණයක් තිබෙනවා. රටේ.ඔවුන්ට නායකත්වය දෙන්නේ කවුරුන්දැයි කිසිවෙක් නොදනිති.අලුත් කොමිසම පක්ෂ ගැන විස්තර සොයා බලයි.ඇතැම් පාර්ශ්වවලට විශාල වශයෙන් මුදල් ලබා දෙන පුද්ගලයන්ගේ බලපෑම් එල්ල වේ.කොමිසම මේ සියල්ල සොයා බලා හයේ පක්ෂ සම්බන්ධයෙන් නිර්දේශ ඉදිරිපත් කරයි. මෙම පියවර සම්බන්ධයෙන් දේශපාලන පක්ෂවල ස්ථාවරය දැන ගැනීමට මම කැමතියි,” ඔහු පැවසීය.
“අපිත් බුද්ධිමත් රටක් ගොඩනැගීමට කටයුතු කරනවා. ලබන මාසයේ අයවැය කතාවේදී බුද්ධිමත් ජාතියක් ගොඩනැගීමේ සැලසුම් මම ප්‍රකාශ කරනවා. ආර්ථිකය නඟා සිටුවීමට මම ජනාධිපති ධූරය භාර ගත්තා. ඒ සඳහා අපි පියවර ගෙන තිබෙනවා. රට එක පාරටම ස්ථාවර වුණා. නැවතත්, ශ්‍රී ලංකා පොදුජන පෙරමුණේ මන්ත්‍රීවරුන්ගෙන් සැදුම්ලත් අමාත්‍ය මණ්ඩලය මේ කටයුත්තට මට සහයෝගය ලබා දුන්නා.ඒ වගේම හර්ෂ ද සිල්වා, පාඨලී චම්පික රණවක වැනි විපක්ෂයේ මන්ත්‍රීවරුන් ද පාර්ලිමේන්තු කාරක සභා දෙකක සභාපතිවරුන් ලෙස කටයුතු කරමින් මට සහයෝගය ලබා දෙනවා.
