ජනාධිපති අනුර කුමාර දිසානායක මහතා හෙට පාර්ලිමේන්තුවට ඉදිරිපත් කරන ප්‍රතිපත්ති ප්‍රකාශනයෙන් සහ ඉදිරිපත් අයවැයෙන් ජනතාවට දෙන සහන පිළිබඳ දැඩි අවධානයෙන් පසුවන බවත් නව රජයේ ආර්ථික ප්‍රත්පත්තිය සහ අයි.එමි.එෆ්. සම්බන්ධයෙන් දැඩි විමසිල්ලෙන් බලා සිටින බවයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.
නාමල් රාජපක්ෂ මහතා අනුරාධපුරයට පැමිණ ශ්‍රී මහබෝධින් වහන්සේ සහ රුවන්වැලිසෑය වැදපුදා ගැනීමෙන් අනතුරුව මාධ්‍ය වෙත අදහස් දක්වමින් එසේ පැවසීය.
ජනාධිපති අනුර කුමාර දිසානායක මහතාට පැහැදිලි ජනමතයක් ලැබි තිබෙන බව පෙන්වා දුන් ඒ මහතා කුමන පුද්ගලයා මෙරට පාලනය කළද අවසානයේ සිදුවිය යුත්තේ රට සංවර්ධනය කරා රැගෙන යාම පමණක් බව ද කී නාමල් රාජපජෂ මහතා පැවසුවේ රටක ආණ්ඩු හදන්නෙත්, ආණ්ඩු පළවා හරින්නේත් ජනතාව යැයි පාලකයන් මතකයේ තබාගත යුතු බවයි.
