පාස්කු ඉරිදා ප්‍රහාරයෙන් පසුව සිදුකළ පරීක්ෂණවලට අනුව සිරියාවේ ISIS පුහුණුව ලැබූ කිසිදු මුස්ලිම් තරුණයෙකු ඊට සහභාගී නොවූ බව හිටපු අග්‍රාමාත්‍ය රනිල් වික්‍රමසිංහ මහතා අද ප්‍රකාශ කළේය.
පසුගිය රජය සිරියාවේ ISIS පුහුණුව ලැබූ මුස්ලිම් තරුණයින් නොසලකා හැරීමෙන් ශ්‍රී ලංකාවට ත්‍රස්ත ප්‍රහාරයක් එල්ල කරන බවට මහජන ආරක්ෂක අමාත්‍ය සරත් වීරසේකර මහතා කළ චෝදනාවට පිළිතුරු දෙමින් වික්‍රමසිංහ මහතා මේ බව සඳහන් කළේය.
එමෙන්ම ප්‍රහාරය සම්බන්ධයෙන් කළ පූර්ව අනතුරු ඇඟවීම් පිළිබඳව තමන් කිසිවිටෙකත් දැනුවත් කර නොමැති බවද ඔහු කියා සිටියා. “ඒ කාලය තුළ ආරක්ෂක කවුන්සිලයේ මෙම කාරණය සාකච්ඡා කළත්, ඉදිරියේදී එල්ල විය හැකි ප්‍රහාර ගැන මා කිසිවිටෙක දැනුම් දුන්නේ නැත,” ඔහු පැවසීය.
මිලේනියම් නගරය සම්බන්ධයෙන් අමාත්‍යවරයා කළ චෝදනාව ගැන සඳහන් කරමින් ඔහු කියා සිටියේ කොළඹ නගරයේ ආරක්‍ෂිත නිවාස නොපවත්වන ලෙස හිටපු ජනාධිපතිනි චන්ද්‍රිකා කුමාරතුංග මහත්මිය ලබාදුන් නියෝගය නොසලකා හැර තිබීමයි. එම බුද්ධි අංශ නිලධාරීන්ගේ ආරක්‍ෂාව තහවුරු කරන ලෙස මම අදාළ පුද්ගලයන්ට නියෝග කළා,” ඔහු වැඩිදුරටත් පැවසීය.
වික්‍රමසිංහ මහතා සහ රාජ්‍ය අමාත්‍ය නිමල් ලංසා මහතා ඇතුළු විපක්ෂයේ මන්ත්‍රීවරු කිහිප දෙනෙක් පාස්කු ඉරිදා ප්‍රහාරය සම්බන්ධයෙන් විමර්ශනය කළ ජනාධිපති කොමිෂන් සභා වාර්තාවේ සියලුම වෙළුම් සභාව හමුවේ සභාගත කරන ලෙස රජයෙන් ඉල්ලා සිටියහ.
2010 වසරේ සිට බුද්ධි අංශවලට උදව් කිරීම වෙනුවෙන් සහරාන් ඇතුළු කිහිප දෙනෙකුට වැටුප් ගෙවූ බව අගමැති මහින්ද රාජපක්ෂ මහතා සහ අමාත්‍ය කෙහෙළිය රඹුක්වැල්ල මහතා පිළිගෙන ඇති බව විපක්ෂයේ ප්‍රධාන සංවිධායක ලක්ෂ්මන් කිරිල්ලැල්ල මහතා පැවසීය.
