සිම්බාබ්වේ හි සිරවී සිටින ශ්‍රී ලංකා කාන්තා ක්‍රිකට් කණ්ඩායම දිවයිනට ගෙන්වා ගැනීම සඳහා විශේෂ ගුවන් යානයක් යැවීමට ශ්‍රී ලංකා ක්‍රිකට් බලධාරීන්ගේ අවධානය යොමුව තිබෙනවා.
ශ්‍රී ලංකා ක්‍රිකට් ආයතනයේ සභාපති ෂම්මි සිල්වා මහතා පැවසුවේ, කණ්ඩායම සිය රටට ගෙන්වා ගැනීම සඳහා ගුවන් සමාගම් සමඟ සාකච්ඡා කරමින් සිටින බවයි.
“සිම්බාබ්වේ හි සිටින ශ්‍රී ලංකා කාන්තා කණ්ඩායම නැවත ගෙන්වා ගැනීමට පියවර ගන්නවා,” ඔහු පැවසීය.
දකුණු අප්‍රිකානු රටවල් කිහිපයක සංචාරකයින්ට මෙරටට පැමිණීම තහනම් කිරීමත් සමඟ ශ්‍රී ලංකා කාන්තා ක්‍රිකට් කණ්ඩායම සිම්බාබ්වේ සිට ගෙන්වා ගැනීම දුෂ්කර වී තිබෙනවා.
සංචාරක සීමා කිරීම් වලට තුඩු දුන් නව COVID-19 ප්‍රභේදයක් දකුණු අප්‍රිකාවේ සොයා ගැනීමෙන් පසුව, ජාත්‍යන්තර ක්‍රිකට් කවුන්සිලය සිම්බාබ්වේ හි පැවති කාන්තා ක්‍රිකට් ලෝක කුසලාන සුදුසුකම් ලැබීමේ තරඟාවලිය අතහැර දැමීය.
සිම්බාබ්වේ හි පැවති ලෝක කුසලාන සුදුසුකම් ලැබීමේ තරඟාවලියකට සහභාගී වූ ශ්‍රී ලංකා කාන්තා ක්‍රීඩිකාවන් හය දෙනෙකුට සහ දැනට සිම්බාබ්වේ හි රැඳී සිටින ශ්‍රී ලංකා කාන්තා ක්‍රිකට් කණ්ඩායමේ නිලධාරිනියකට කොරෝනා වෛරසය ආසාදනය වී තිබේ. ඔවුන් අප්‍රිකානු කලාපයේ ශීඝ්‍රයෙන් පැතිර යන Omicron ප්‍රභේදයේ වෛරසය ආසාදනය වී ඇති බවට වාර්තා වී නොමැත.
කෙසේ වෙතත්, සෙසු ක්‍රීඩක ක්‍රීඩිකාවන් දිවයිනට ගෙන්වා ගත්තද, එම ක්‍රීඩක ක්‍රීඩිකාවන් හයදෙනා සහ කොවිඩ් 19 වෛරසය ආසාදනය වූ නිලධාරියා මෙරටට ගෙන්වා ගැනීම ප්‍රමාද වනු ඇත.
නිරෝධායන කාලය අවසන් වූ පසු ඔවුන් දිවයිනට ගෙන්වා ගැනීමට කටයුතු කරන බව ශ්‍රී ලංකා ක්‍රිකට් සභාපතිවරයා ප්‍රකාශ කළා. සෙසු ක්‍රීඩක ක්‍රීඩිකාවන් කටුනායක ගුවන් තොටුපළට ගෙන්වා ගැනීමෙන් පසු සෞඛ්‍ය බලධාරීන්ගේ උපදෙස් අනුව කටයුතු කරන බවද ඔහු පැවසීය.
