ස්ටෑන්ඩර්ඩ් ඇන්ඩ් පුවර්ස් රේටින්ග්ස් සර්විසස් විසින් 2014 වසරේ වාර්තා කළ අනුපාතයට සාපේක්ෂව ශ්‍රී ලංකාවේ මූල්‍ය සාක්ෂරතා අනුපාතය සියයට 23 කින් පමණ වැඩි වී ඇත.
2021 ශ්‍රී ලංකා මූල්‍ය සාක්ෂරතා සමීක්ෂණයට අනුව, වැඩිහිටියන්ගෙන් සියයට 57.9ක් ශ්‍රී ලංකාව තුළ මූල්‍ය සාක්ෂරතාව ඇති බවට වාර්තා වී ඇති අතර, එය 2014 වසරේ ගෝලීය මූල්‍ය සාක්ෂරතා සමීක්ෂණය මගින් වාර්තා කළ සියයට 35ට වඩා සැලකිය යුතු වර්ධනයක් පෙන්නුම් කරයි.
තවද, පිරිමි සහ ගැහැණුන්ගේ මූල්‍ය සාක්ෂරතා අනුපාතවල ස්ත්‍රී පුරුෂ පරතරය සියයට 5.9 කි.
නියැදිය හරහා පිරිමින්ට වැඩි මූල්‍ය දැනුමක් සහ මූල්‍ය හැසිරීම් ලකුණු ඇති බව පෙනී ගියේය.
ශ්‍රී ලංකාවේ තරුණ වැඩිහිටියන් වැඩිහිටි ජනගහනයට වඩා මූල්‍ය සාක්ෂරතාවයෙන් වැඩි බව සමීක්ෂණ සොයාගැනීම් තවදුරටත් යෝජනා කරයි.
2021-2024 ශ්‍රී ලංකාවේ ජාතික මූල්‍ය ඇතුළත් කිරීමේ උපායමාර්ගය (NFIS) ක්‍රියාත්මක කිරීමේ කොටසක් ලෙස ශ්‍රී ලංකා- 2021 මූල්‍ය සාක්ෂරතා සමීක්ෂණය පවත්වන ලදී.
ලෝක බැංකු සමූහයේ සාමාජික ජාත්‍යන්තර මූල්‍ය සංස්ථාවේ (IFC) තාක්ෂණික සහ මූල්‍ය සහාය ඇතිව ශ්‍රී ලංකා මහ බැංකුව (CBSL) විසින් මෙම සමීක්ෂණය මෙහෙයවන ලදී.financial_literacy_servey_sri_lanka_2021_e
