රජයේ පාලන මිල ඉක්මවා සහල් අළෙවි කරන වෙළෙදුන් සොයා රට පුරා මෙහෙයුම් ආරම්භ කළ බව පාරිභෝගික කටයුතු පිළිබඳව අධිකාරියේ උසස් නිලධාරියෙක් පැවසීය.
එම මෙහෙයුම්වලට පාරිභෝගික කටයුතු පිළිබඳව අධිකාරියේ දිස්ත්‍රික්ක කාර්යාලවල නිලධාරීන් යොදවා ඇති බවත් එම නිලධාරීන් ඊයේ දිනයේ පමණක් සහල් අළෙවිසැල් දහසකට අධික සංඛ්‍යාවක් පරීක්‍ෂා කළ බවත් එම නිලධාරියා කීය.
මෙම මෙහෙයුම් අඛණ්ඩව ක්‍රියාත්මක කරන බවත් පාලන මිල ඉක්මවා සහල් අළෙවි කරන වෙළෙදුන්ට එරෙහිව අධිකරණයේ නඩු පවරන බවත් එම නිලධාරියා වැඩි දුරටත් සඳහන් කළේය.
