2025 වසරේදී ශ්රී ලංකාව පාම් ඔයිල් මෙට්රික් ටොන් 38,210ක් සහ පොල්තෙල් මෙට්රික් ටොන් 33,696ක් ආනයනය කර ඇති බව මහාචාර්ය අශෝක නුගවෙල මහතා පැවසීය.
2024 වසරේ මෙට්රික් ටොන් 34,708ක් මෙරටට ගෙන ආ ෆාම් ඔයිල් ආනයනයට සාපේක්ෂව ෆාම් ඔයිල් ආනයනය ඉහළ ගොස් ඇති බව පැවැති පාම් වගාව පිළිබඳ මාධ්ය හමුවකට එක්වෙමින් ඔහු සඳහන් කළේය.
2025 වසරේ පාම් ඔයිල් ආනයනය සඳහා රට රුපියල් මිලියන 140,022 ක් වැය කළ බව ඔහු පැවසීය.
තල් වගාව තහනම් කිරීම හේතුවෙන් ශ්රී ලංකාවට සැලකිය යුතු ආදායමක් අහිමි වී ඇති බවත්, එමඟින් හෙක්ටයාර් 8,000 ක පමණ නව වගාවන් ව්යාප්ත වීම වැළැක්වී ඇති බවත් මහාචාර්ය නුගවෙල පෙන්වා දුන්නේය.
2021 වසරේ දී තල් වගාව තහනම් කළ බව කී ඔහු, එවැනි වගාව සීමා කළ ලෝකයේ එකම රට ශ්රී ලංකාව බව ද පැවසීය.
නිසි ක්රම භාවිත කරමින් වගා කළහොත් හෙක්ටයාරයකින් තෙල් මෙට්රික් ටොන් හතරක පමණ අස්වැන්නක් ලබා ගත හැකි බව ඔහු වැඩිදුරටත් පැහැදිලි කළේය. පාම් ඔයිල්වල ගෝලීය වෙළෙඳපොළ මිල මේ වන විට මෙට්රික් ටොන් එකක මිල ඇමෙරිකානු ඩොලර් 1100ක් පමණ දක්වා ඉහළ ගොස් ඇති බවද ඔහු සඳහන් කළේය.
