මෙවර මහ මැතිවරණයේදී ඡන්දය ප්‍රකාශ කිරීමට සුදුසුකම් ලැබූ ලක්ෂ පනස් තුනකට අධික පිරිසක් ඡන්දය ප්‍රකාශ කර නොමැති බව මැතිවරණ කොමිෂන් සභා ආරංචි මාර්ග සඳහන් කරයි.
මේ අනුව 53,25,108 ක පමණ පිරිසක් මහ මැතිවරණය වෙනුවෙන් ඡන්දය ප්‍රකාශකර නොමැති බව පැවසේ.
එසේම මෙවර මැතිවරණයේදී ඡන්ද හය ලක්ෂ හැට හත්දහස් දෙසිය හතළිහක් ( සියයට 5.65) ඡන්දය ප්‍රතික්ෂේප වී ඇතැයි එම ආරංචි මාර්ග පවසයි.
මෙවර මහ මැතිවරණය සඳහා ඡන්ද දායකයෝ 1,71,40,354 ක් ලියාපදිංචි වී සිටියහ.
ඉන් ප්‍රකාශිත මුළු ඡන්ද සංඛ්‍යාව 1,18,15,246කි.
වලංගු ඡන්ද සංඛ්‍යාව 1,11,48,006 ක් බව සඳහන්වේ.
