2023 නොවැම්බර් 25 වැනි දින ඩේලි මිරර් වාර්තාව “අමාත්‍ය රොෂාන් රන්සිංහගේ වාහන අංගණයෙන් අත්අඩංගුවට ගත් හොර රහසේ ලෑන්ඩ් කෲසර්” මැයෙන් පළ වූ වාර්තාව පාර්ලිමේන්තු මන්ත්‍රී නිමල් පියතිස්ස මහතා විසින් පාර්ලිමේන්තුවේදී තහවුරු කරන ලදී.
රණසිංහ අමාත්‍යවරයාගේ ප්‍රකාශයකට පෙරේදා ප්‍රතිචාර දැක්වූ පියතිස්ස මන්ත්‍රීවරයා කියා සිටියේ තමන් මේ සම්බන්ධයෙන් පොලිසියෙන් කරුණු විමසූ බවත් එම වාහනය අමාත්‍යවරයාට අයත් නිපෝන් ගරාජයෙන් අත්අඩංගුවට ගත් බව තහවුරු කළ බවත්ය.
“වාහනයේ චැසි අංකය වංචනික ලෙස වෙනස් කර ඇති බව පොලිසියෙන් තහවුරු වී තිබෙනවා. පොලිසිය ගරාජයේ කළමනාකරුගෙන් ප්‍රශ්න කර ඇත. ඔහු රණසිංහ ළඟ සේවය කරන බව කළමනාකරු පවසා ඇත. පොලිසියත් මට කිව්වා සැකකරුවන්ට විරුද්ධව නීතිමය ක්‍රියාමාර්ග ගන්නවා කියලා.” පියතිස්ස මන්ත්‍රීවරයා පැවසීය.
“අපි කරුණු තහවුරු නොකර පාර්ලිමේන්තුවේදී කිසිම චෝදනාවක් කරන්නේ නැහැ. ඒ නිසා මම පොලිසියෙන් තොරතුරු රැස් කළා,” ඔහු වැඩිදුරටත් පැවසීය.
නීතිවිරෝධී ලෙස මෙරටට රැගෙන ආ ලෑන්ඩ් කෲසර් ජීප් රථයක් ක්‍රීඩා අමාත්‍ය රොෂාන් රණසිංහට අයත් දඹුල්ල යුරෝ නිපොන් පෞද්ගලික වාහන අංගනය වැටලීමකදී පානදුර වලාන මර්දන ඒකකයේ නිලධාරීන් විසින් අත්අඩංගුවට ගෙන දඹුල්ල පොලිසියට භාරදී ඇති බව ඩේලි මිරර් පුවත්පත පසුගිය සතියේ වාර්තා කළේය.
වලාන – පානදුර මර්දන ඒකකය දඹුල්ල පොලිසියට වාර්තා කර ඇත්තේ මෙම රථයේ වටිනාකම රුපියල් කෝටි 100 ක් පමණ වන බවයි. රේගු බදු නොගෙවා ව්‍යාජ ලියකියවිලි මත රුපියල් මිලියන 20ක් නීතිවිරෝධී ලෙස මෙරටට රැගෙන ආ බවට සැක කෙරේ.
කෙසේ වෙතත් එම චෝදනා ප්‍රතික්ෂේප කරන ක්‍රීඩා අමාත්‍ය රොෂාන් රණසිංහ කියා සිටියේ තමන් කිසිදු වංචනික ක්‍රියාවකට සම්බන්ධ නොමැති බවත් එය විධායකය විසින් තමන්ව කොටු කිරීමට සැලසුම් කළ උත්සාහයක් බවත්ය.
