බහරේන් රාජ්‍යයට පැමිණෙන විදේශිය ශ්‍රමිකයන්ට මෙනින්ගොකොකල් රෝගය ඇතිවිම වලක්වීම සඳහා භාවිතා කරන Meningococcal vaccine එන්නත්කරණය අනිවාර්යය කර ඇති බව එරට සෞඛ්‍ය අමාත්‍යාංශය විසින් නිවේදනය කරයි. ඒ අනුව ශ්‍රී ලාංකික ශ්‍රමිකයන්ට ද මෙම එන්නත අනිවාර්ය වේ.
විදේශ කටයුතු අමාත්‍යාංශය,බහරේන් ශ්‍රී ලංකා තානාපති කාර්යාලය එක්ව බහරේන් රාජ්‍ය හා ගල්ෆ් සහයෝගිතා කවුන්සලයේ (GCC) උපදෙස් මත ශ්‍රී ලාංකිකයින්ගේ එන්නත්කරණ වැඩසටහන ක්‍රියාත්මක කිරීමට නියමිතව ඇත.
මෙනින්ගොකොකල් රෝගය යනු නයිසීරියා මෙනින්ජිටිඩිස් (Neisseria meningitidis (also termed meningococcus) බැක්ටීරියාව මගින් ඇතිවන ආසාදන රෝගයකි.
ප්‍රතිකාර නොකළහොත් එම රෝගයට ඉහළ මරණ අනුපාතයක් ඇති නමුත් එන්නත මගින් වලක්වා ගත හැකි බව සෞඛ්‍ය අංශ පවසයි.
මෙනින්ජයිටිස් බෝවන රෝගයක් වන අතර සංවර්ධිත සහ ඌන සංවර්ධිත රටවල රෝග, මරණ සහ ආබාධිතභාවය සඳහා මෙනින්ජයිටිස් සහ මෙනින්ගොකොක්සිමියාව ප්‍රධාන හේතුවකි.
2024 වසරේ බහරේන් රාජ්‍යෙය් රැකියා සඳහා ශ්‍රී ලාංකික ශ්‍රමිකයන් 4000 කට වැඩි පිරිසක් පිටත්ව ගොස් ඇත.
