පොලිස්පති සී.ඩී වික්රමරත්න මහතාගේ සේවා දිගුව ආණ්ඩුක්රම ව්යවස්ථා සභාව විසින් පසුගියදා ප්රතික්ෂේප කිරීම හේතුවෙන් ශ්රී ලංකා පොලිසියේ පරිපාලනය තුළ ප්රශ්න මතුව ඇති බව වාර්තා වේ.
වික්රමරත්නගේ සේවා දිගුව ආණ්ඩුක්රම ව්යවස්ථා සභාව ප්රතික්ෂේප කිරීමත් සමඟ පොලිස්පතිවරයාගේ අත්සන්වල පවා වලංගුභාවය පිළිබඳව පොලිසිය තුළ දිගින් දිගටම කතාබහක් පවතින බව අභ්යන්තර පොලිස් ආරංචි මාර්ග අනාවරණය කරයි.
C.D වික්රමරත්නට පොලිස්පතිවරයා ලෙස සති තුනක දිගුවක් ජනාධිපති රනිල් වික්රමසිංහ විසින් ඔක්තෝම්බර් 13 වෙනිදා ලබා දෙන ලදී, ඔහුගේ කලින් මාස තුනක සේවා දිගුව ඔක්තෝබර් 09 දිනෙන් අවසන් විය. වික්රමරත්නගේ පොලිස්පති ධුර කාලය මේ වසරේ ජූනි 26 දිනෙන් අවසන් විය.
ආරක්ෂක අමාත්යවරයා ලෙස කටයුතු කරමින් සිටි ජනාධිපති වික්රමසිංහ සහ මහජන ආරක්ෂක අමාත්ය (පොලිසියට වගකියන) ටිරාන් අලස් යන දෙදෙනාම ඒ වන විට රටින් බැහැරව සිටියද ජනාධිපතිවරයා විසින් අනුමත කරන ලද සති තුනක සේවා දිගුව ආණ්ඩුක්රම ව්යවස්ථා සභාව විසින් ප්රතික්ෂේප කරන ලදී. .
කෙසේ වෙතත්, චීනයේ බීජිං නුවර නිල සංචාරයක නිරත වෙමින් සිටියදී ආණ්ඩුක්රම ව්යවස්ථා සභාව ගත් තීරණය වෙනස් කළ ජනාධිපතිවරයා යළි පොලිස්පතිවරයා පත් කිරීමට අවශ්ය කටයුතු සම්පාදනය කරන ලෙස බීජිං නුවරින් නියෝග කළේය.
මෙම සිද්ධියෙන් පසු යම් යම් පරිපාලන ගැටලු මතුව ඇති බවත්, ඇතැම් ජ්යෙෂ්ඨ නිලධාරීන් පොලිස්පතිවරයා ගත් තීරණ සම්බන්ධයෙන් සිය කනස්සල්ල පළ කරමින් පැහැදිලි කිරීමක් කරන බවත් පොලිස් ආරංචි මාර්ග සඳහන් කළේය.
