ප්‍රමිතියෙන් තොර ඉමියුනොග්ලොබියුලින් එන්නත් ලබාදීමේ සිද්ධිය සම්බන්ධයෙන් අත්අඩංගුවට ගත් ඇතැම් නිලධාරීන් ඖෂධ තොගය අමාත්‍යවරයාගේ අනුමැතිය සහ උපදෙස් සමඟ මිලදී ගත් බවට ප්‍රකාශ ලබාදී තිබියදීත් හිටපු සෞඛ්‍ය අමාත්‍ය කෙහෙළිය රඹුක්වැල්ල අත්අඩංගුවට ගැනීමට නොහැකි වීම සම්බන්ධයෙන් ජාතික ජන බලවේගය කනස්සල්ල පළ කළා.
එක්සත් ජනතා නිදහස් සන්ධානයේ හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස ප්‍රවෘත්ති සාකච්ඡාවකදී කියා සිටියේ අමාත්‍යවරයාගේ අනුමැතියකින් තොරව ඩොලර් මිලියන 3කට වැඩි වටිනාකමක් මිලදී ගැනීමක් සිදු කළ නොහැකි බවයි.
නියමිත ටෙන්ඩර් පටිපාටිය අනුගමනය නොකර හදිසි මිලදී ගැනීමක් ලෙස මෙම මිලදී ගැනීම සිදු කර ඇති අතර එය සැක මතු කරන බව ඔහු පැවසීය.
“සිද්ධිය පිළිබඳ සම්පූර්ණ වගකීම සෞඛ්‍ය අමාත්‍යාංශය භාරගත යුතුයි.රඹුක්වැල්ල ඇතුළු මෙම ක්‍රියාවලියට සම්බන්ධ වූ සියලුම දෙනා වගකිව යුතුයි.
හිටපු අමාත්‍ය රඹුක්වැල්ල මහතාගේ උපදෙස් හා අනුමැතිය මත මෙම මිලදී ගැනීම සිදුකළ බවට අත්අඩංගුවට ගත් ඇතැම් නිලධාරීන් ප්‍රකාශ ලබාදී ඇති බවද අපට වාර්තා වුණා. අඩුම තරමින් ඔහුගෙන් ප්‍රකාශයක් සටහන් කර ගැනීමටවත් අපරාධ පරීක්ෂණ දෙපාර්තමේන්තුව අපොහොසත් වී ඇත්තේ මන්දැයි අපි කල්පනා කරමු. ජනාධිපතිතුමා සහ කැබිනට් මණ්ඩලය ඔහුව ආරක්ෂා කරන්න හදනවා” වෛද්‍ය ජයතිස්ස චෝදනා කළේය.
