මාධ්‍ය හා මනෝවිද්‍යාත්මක මෙහෙයුම් අධ්‍යක්ෂ මණ්ඩලයේ නව අධ්‍යක්ෂ ජනරාල් සහ යුද හමුදා මාධ්‍ය ප්‍රකාශක ලෙස ශ්‍රී ලංකා ඉංජිනේරු බලකායේ මේජර් ජෙනරාල් K.A.N රසික කුමාර මහතා ඊයේ (ජනවාරි 09) පෙරවරුවේ යුද්ධ හමුදා මූලස්ථානයේ දී කෙටි විධිමත් උත්සවයකදී වැඩ භාර ගන්නා ලදී.
ඔහු මේජර් ජෙනරාල් I.H.M.R.K හේරත්ගෙන් පසුව පත් වූ අතර ඔහු දැන් ශ්‍රී ලංකා සංඥා බලකායේ ප්‍රධාන සංඥා නිලධාරි සහ කර්නල් සේනාවිධායක ලෙස පත් කර ඇත.
තෙල්දෙණියේ උපන් මේජර් ජෙනරාල් කුමාර රුවන්වැල්ල රාජසිංහ මධ්‍ය මහා විද්‍යාලයේ සාඩම්බර නිමැවුමකි. ඔහු 1990 දී ශ්‍රී ලංකා යුද හමුදාවට බැඳුණු අතර 1991 දී පාකිස්තාන හමුදා ඇකඩමියේ (PMA) දෙවන ලුතිනන්වරයෙකු ලෙස පත් කරන ලදී.
ඔහු ප්ලැටූන් කමාන්ඩර් පාඨමාලාව, නිලධාරීන්ගේ විශිෂ්ටතා පාඨමාලාව, ඒකක බුද්ධි නිලධාරි පාඨමාලාව, ක්ෂේත්‍ර ඉංජිනේරු පන්තියේ III පාඨමාලාව, ඒකක ගිණුම් පාඨමාලාව, ඒකක පරිපාලන නිලධාරීන්ගේ පාඨමාලාව, යුධ හමුදා අණ සහ මාණ්ඩලික පාඨමාලාව, ජාතික ආරක්ෂක විද්‍යාල පාඨමාලාව ඇතුළු විවිධ පාඨමාලා හදාරා ඇත. ආරක්‍ෂාව සහ උපාය මාර්ගික අධ්‍යයනය), තරුණ නිලධාරීන්ගේ පාඨමාලාව – ඉන්දියාව, සටන් ඉංජිනේරු උපදේශක පාඨමාලාව – ඉන්දියාව, යුධ හමුදා අණ සහ මාණ්ඩලික පාඨමාලාව – චීනය, සහ පතල් සහ පිපිරුම් ඉංජිනේරු පාඨමාලාව – චීනය.
